Artikolu 28 Prinċipji għall-applikazzjoni tal-għodda ta' separazzjoni tal-assi u tal-obbligazzjonijiet, tal-għodda ta' bejgħ ta' negozju, u tal-għodda ta' impriża tranżitorja

1.   L-Istati Membri għandhom jiżguraw li, soġġetti għall-Artikolu 31(5) u (6) u għall-Artikolu 67, l-awtoritajiet ta' riżoluzzjoni jkollhom is-setgħa li jużaw l-għodda ta' separazzjoni tal-assi u tal-obbligazzjonijiet, l-għodda ta' bejgħ ta' negozju u l-għodda ta' impriża tranżitorja mingħajr ma jiksbu l-kunsens tal-azzjonisti tal-impriża taħt riżoluzzjoni jew ta' kwalunkwe parti terza, minbarra l-akkwirent jew l-impriża tranżitorja, u mingħajr ma jkun hemm konformità ma' kwalunkwe rekwiżit proċedurali skont il-liġi tal-kumpaniji jew dwar it-titoli, għajr dawk stabbiliti fl-Artikolu 29.

2.   Soġġett għall-Artikolu 26(2) u (5), kwalunkwe korrispettiv li jitħallas mill-akkwirent jew mill-impriża tranżitorja għandu jibbenefika:

3.   Soġġett għall-Artikolu 26(2) u (5), kull korrispettiv imħallas minn veikolu tal-immaniġġar tal-assi u tal-obbligazzjonijiet kif imsemmi fl-Artikolu 30(2) fir-rigward tal-assi, tad-drittijiet jew tal-obbligazzjonijiet akkwistati direttament mill-impriża taħt riżoluzzjoni għandu jibbenefika lill-istituzzjoni taħt riżoluzzjoni. Il-korrispettiv jista' jitħallas fil-forma ta' dejn maħruġ mill-veikolu tal-immaniġġar tal-assi u tal-obbligazzjonijiet.

4.   Trasferimenti magħmulin bl-użu tal-għodda ta' separazzjoni tal-assi u tal-obbligazzjonijiet, tal-għodda ta' bejgħ ta' negozju jew tal-għodda ta' impriża tranżitorja għandhom ikunu soġġetti għas-salvagwardji msemmijin fit-Titolu III, il-Kapitolu V.

5.   L-awtoritajiet ta' riżoluzzjoni jistgħu jużaw l-għodda ta' separazzjoni tal-assi u tal-obbligazzjonijiet, l-għodda ta' bejgħ ta' negozju u l-għodda ta' impriża tranżitorja aktar minn darba sabiex jagħmlu trasferimenti supplimentari fejn neċessarji sabiex jintlaħqu l-objettivi ta' riżoluzzjoni.

6.   L-Istati Membri għandhom jiżguraw li akkwirent jew impriża tranżitorja kif imsemmija fil-paragrafu 1 ikunu jistgħu jkomplu jeżerċitaw id-drittijiet ta' sħubija u l-aċċess għal, fejn rilevanti, sistemi ta' pagament, ta' kklerjar u ta' saldu, għal Boroż u għal skemi ta' garanzija tal-assigurazzjoni tal-impriża taħt riżoluzzjoni, dment li dak l-akkwirent jew dik l-impriża tranżitorja jissodisfaw il-kriterji għas-sħubija u għall-parteċipazzjoni sabiex jieħdu sehem f'tali sistemi.

F'każijiet fejn ma jiġux issodisfati l-kriterji kollha elenkati fl-ewwel subparagrafu, l-Istati Membri għandhom jiżguraw li, fejn rilevanti:

7.   Mingħajr preġudizzju għat-Titolu III, il-Kapitolu V, l-azzjonisti jew il-kredituri tal-impriża taħt riżoluzzjoni u partijiet terzi oħrajn li l-assi, id-drittijiet jew l-obbligazzjonijiet tagħhom ma jiġux ittrasferiti bl-użu tal-għodda ta' separazzjoni tal-assi u tal-obbligazzjonijiet, tal-għodda ta' bejgħ ta' negozju jew tal-għodda ta' impriża tranżitorja, ma għandu jkollhom l-ebda dritt jew klejm fuq jew fir-rigward tal-assi, tad-drittijiet jew tal-obbligazzjonijiet ittrasferiti jew fuq jew fir-rigward tal-korp amministrattiv, maniġerjali jew superviżorju jew fuq jew fil-maniġment superjuri tal-impriża tranżitorja jew tal-veikolu tal-immaniġġar tal-assi u tal-obbligazzjonijiet.