Artikolu 31 6

(a)

dan it-trasferiment ta' ishma jew ta' strumenti ta' sjieda lill-akkwirent għandu jkollu effett legali immedjat;

(b)

matul il-perjodu ta' valutazzjoni u matul kwalunkwe perjodu ta' żvestiment previst mill-punt (f), id-drittijiet tal-vot tal-akkwirent marbutin ma' dawn l-ishma jew l-istrumenti ta' sjieda l-oħrajn għandhom jiġu sospiżi u vestiti biss fl-awtorità ta' riżoluzzjoni, li ma għandu jkollha l-ebda obbligu li teżerċita dawn id-drittijiet tal-vot u li ma għandu jkollha l-ebda responsabbiltà sabiex teżerċita jew iżżomm lura milli teżerċita kwalunkwe dritt tal-vot bħal dan;

(c)

matul il-perjodu ta' valutazzjoni u matul kwalunkwe perjodu ta' żvestiment previst mill-punt (f), il-penali u miżuri oħrajn għall-ksur tar-rekwiżiti għall-akkwisti u għad-disponimenti ta' parteċipazzjonijiet kwalifikanti stabbiliti fl-Artikolu 62 tad-Direttiva 2009/138/KE ma għandhomx japplikaw għal tali trasferiment ta' ishma jew ta' strumenti oħrajn ta' sjieda;

(d)

hekk kif tlesti l-valutazzjoni tagħha, l-awtorità superviżorja għandha tinnotifika bil-miktub lill-awtorità ta' riżoluzzjoni u lill-akkwirent dwar jekk tapprovax jew, f'konformità mal-Artikolu 58(4) tad-Direttiva 2009/138/KE, topponix tali trasferiment ta' ishma jew ta' strumenti oħrajn ta' sjieda lill-akkwirent;

(e)

meta l-awtorità superviżorja tapprova tali trasferiment ta' ishma jew ta' strumenti oħrajn ta' sjieda lill-akkwirent, id-drittijiet tal-vot marbutin ma' tali ishma jew strumenti ta' sjieda għandu jitqies bħala vestit bis-sħiħ fl-akkwirent hekk kif l-awtorità ta' riżoluzzjoni u l-akkwirent jirċievu avviż approvazzjoni bħal dan mingħand l-awtorità superviżorja;

(f)

jekk l-awtorità superviżorja topponi tali trasferiment ta' ishma jew ta' strumenti ta' sjieda oħrajn lill-akkwirent: