Artikolu 40 Valwazzjoni negattiva jew konverżjoni ta' obbligazzjonijiet li jirriżultaw minn derivattivi

1.   L-Istati Membri għandhom jiżguraw li l-awtoritajiet ta' riżoluzzjoni għandhom jeżerċitaw is-setgħat ta' valwazzjoni negattiva jew ta' konverżjoni fir-rigward ta' obbligazzjoni li tirriżulta minn derivattiv mas-saldu tad-derivattivi jew warajh biss. Mad-dħul f'riżoluzzjoni, l-awtoritajiet ta' riżoluzzjoni għandhom jingħataw is-setgħa li jtemmu u jsaldu kwalunkwe kuntratt ta' derivattivi għal dak l-iskop. Fejn obbligazzjoni ta' derivattiv tkun ġiet eskluża mill-applikazzjoni tal-għodda ta' valwazzjoni negattiva jew ta' konverżjoni skont l-Artikolu 35(8), l-awtoritajiet ta' riżoluzzjoni ma għandhomx ikunu obbligati jtemmu jew jsaldu l-kuntratt tad-derivattivi.

2.   Fejn tranżazzjonijiet ta' derivattivi jkunu soġġetti għal ftehim ta' netting, l-awtorità ta' riżoluzzjoni jew evalwatur indipendenti għandu jiddetermina bħala parti mill-valwazzjoni skont l-Artikolu 23, l-obbligazzjoni li tirriżulta minn dawk it-tranżazzjonijiet fuq bażi netta skont it-termini tal-ftehim ta' netting.

3.   L-awtoritajiet ta' riżoluzzjoni għandhom jiddeterminaw il-valur tal-obbligazzjonijiet li jirriżultaw minn derivattivi skont dawn kollha li ġejjin:

4.   L-EIOPA, wara konsultazzjoni mal-ESMA, għandha tiżviluppa abbozzi ta' standards tekniċi regolatorji li jispeċifikaw il-metodoloġiji u l-prinċipji stabbiliti fil-paragrafu 3 dwar il-valwazzjoni tal-obbligazzjonijiet li jirriżultaw minn derivattivi. Fir-rigward ta' tranżazzjonijiet derivattivi li jkunu suġġetti għal ftehim ta' netting, l-EIOPA għandha tqis il-metodoloġija għall-għeluq stabbilit fil-ftehim ta' netting.

L-EIOPA għandha tippreżenta dawk l-abbozzi ta' standards tekniċi regolatorji lill-Kummissjoni sad-29 ta’ Lulju 2027.

Il-Kummissjoni qed tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1094/2010.