1. L-awtoritajiet ta' riżoluzzjoni fil-livell tal-grupp għandhom jistabbilixxu kulleġġi ta' riżoluzzjoni sabiex iwettqu l-kompiti msemmijin fl-Artikoli 10, 11, 14, 16, 73 u 74, u, fejn xieraq, sabiex jiżguraw kooperazzjoni u koordinazzjoni mal-awtoritajiet ta' riżoluzzjoni ta' pajjiżi terzi.
B'mod partikolari, il-kulleġġi ta' riżoluzzjoni għandhom jipprovdu qafas għall-awtorità ta' riżoluzzjoni fil-livell tal-grupp, għall-awtoritajiet ta' riżoluzzjoni l-oħrajn u, fejn xieraq, għall-awtoritajiet superviżorji u għas-superviżuri tal-grupp ikkonċernati, sabiex iwettqu l-kompiti li ġejjin:
|
(a)
|
jiskambjaw informazzjoni li tkun rilevanti għall-iżvilupp ta' pjanijiet ta' riżoluzzjoni ta' grupp u għall-eżerċizzju tas-setgħat ta' riżoluzzjoni fir-rigward tal-gruppi;
|
|
(b)
|
jiżviluppaw pjanijiet ta' riżoluzzjoni ta' grupp;
|
|
(c)
|
jivvalutaw ir-riżolvibbiltà ta' gruppi skont l-Artikolu 14;
|
|
(d)
|
jeżerċitaw is-setgħat sabiex jindirizzaw jew ineħħu l-impedimenti għar-riżolvibbiltà ta' gruppi skont l-Artikolu 16;
|
|
(e)
|
jiddeċiedu dwar il-ħtieġa li tiġi stabbilita skema ta' riżoluzzjoni ta' grupp kif imsemmija fl-Artikolu 73 jew 74;
|
|
(f)
|
jilħqu l-ftehim dwar skema ta' riżoluzzjoni ta' grupp propost f'konformità mal-Artikolu 73 jew 74;
|
|
(g)
|
jikkoordinaw il-komunikazzjoni pubblika tal-istrateġiji u tal-iskemi ta' riżoluzzjoni ta' grupp;
|
|
(h)
|
jikkoordinaw l-użu ta' kwalunkwe skema ta' garanzija tal-assigurazzjoni jew arranġament ta' finanzjament.
|
Barra minn hekk, il-kulleġġi ta' riżoluzzjoni jistgħu jintużaw bħala forum sabiex jiġu diskussi kwistjonijiet marbutin mar-riżoluzzjoni ta' gruppi transfruntiera.