Artikolu 70 Kulleġġi ta' riżoluzzjoni

1.   L-awtoritajiet ta' riżoluzzjoni fil-livell tal-grupp għandhom jistabbilixxu kulleġġi ta' riżoluzzjoni sabiex iwettqu l-kompiti msemmijin fl-Artikoli 10, 11, 14, 16, 73 u 74, u, fejn xieraq, sabiex jiżguraw kooperazzjoni u koordinazzjoni mal-awtoritajiet ta' riżoluzzjoni ta' pajjiżi terzi.

B'mod partikolari, il-kulleġġi ta' riżoluzzjoni għandhom jipprovdu qafas għall-awtorità ta' riżoluzzjoni fil-livell tal-grupp, għall-awtoritajiet ta' riżoluzzjoni l-oħrajn u, fejn xieraq, għall-awtoritajiet superviżorji u għas-superviżuri tal-grupp ikkonċernati, sabiex iwettqu l-kompiti li ġejjin:

Barra minn hekk, il-kulleġġi ta' riżoluzzjoni jistgħu jintużaw bħala forum sabiex jiġu diskussi kwistjonijiet marbutin mar-riżoluzzjoni ta' gruppi transfruntiera.

2.   Dawn li ġejjin għandhom ikunu membri tal-kulleġġ ta' riżoluzzjoni:

Għall-finijiet tal-ewwel subparagrafu, il-punt (g), l-EIOPA għandha tikkontribwixxi għall-promozzjoni u għall-monitoraġġ tal-funzjonament effiċjenti, effettiv u konsistenti tal-kulleġġi ta' riżoluzzjoni u għall-konverġenza fil-kulleġġi ta' riżoluzzjoni. L-EIOPA għandha tkun mistiedna tattendi għal-laqgħat tal-kulleġġ ta' riżoluzzjoni għal dak l-għan. L-EIOPA ma għandu jkollha l-ebda dritt tal-vot.

Għall-finijiet tal-ewwel subparagrafu, il-punt (h), il-parteċipazzjoni tal-awtoritajiet ta' riżoluzzjoni għandha tkun limitata għall-ilħuq tal-objettivi ta' skambju effiċjenti ta' informazzjoni.

3.   L-awtoritajiet ta' riżoluzzjoni ta' pajjiżi terzi, fejn impriża prinċipali jew impriża stabbilita fl-Unjoni jkollha istituzzjoni sussidjarja jew impriża tar-riassigurazzjoni jew fergħa li tkun ikkunsidrata bħala sinifikanti li kieku kienet tinstab fl-Unjoni jistgħu jiġu mistiedna jieħdu sehem fil-kulleġġ ta' riżoluzzjoni bħala osservaturi, dment li dawk l-awtoritajiet ikunu soġġetti għal rekwiżiti ta' kunfidenzjalità li, fl-opinjoni tal-awtorità ta' riżoluzzjoni fil-livell tal-grupp, ikunu ekwivalenti għal dawk stabbiliti fl-Artikolu 80.

4.   Meta l-grupp ikun konglomerat finanzjarju jew parti minn konglomerat finanzjarju, l-awtoritajiet maħtura f'konformità mal-Artikolu 3 tad-Direttiva 2014/59/UE kkonċernati għandhom jiġu mistiedna fil-kulleġġ ta' riżoluzzjoni bħala osservaturi.

5.   L-awtorità ta' riżoluzzjoni fil-livell tal-grupp għandha tippresiedi l-kulleġġ ta' riżoluzzjoni. F'dik il-kapaċità, hija għandha:

Minkejja l-ewwel subparagrafu, il-punt (e), l-awtoritajiet ta' riżoluzzjoni għandu jkollhom id-dritt jipparteċipaw fil-laqgħat tal-kulleġġ ta' riżoluzzjoni kull meta fuq l-aġenda jkun hemm temi soġġetti għal teħid ta' deċiżjonijiet konġunti jew relatati ma' entità fi grupp li tinsab fl-Istat Membru tagħhom.

6.   L-awtoritajiet ta' riżoluzzjoni fil-livell tal-grupp ma għandhomx ikunu obbligati jistabbilixxu kulleġġ ta' riżoluzzjoni jekk gruppi jew kulleġġi oħrajn iwettqu l-istess funzjonijiet u jwettqu l-istess kompiti speċifikati fil-paragrafu 1 u jikkonformaw mal-kundizzjonijiet u mal-proċeduri kollha, inkluż dawk li jkopru s-sħubija u l-parteċipazzjoni f'kulleġġi ta' riżoluzzjoni, stabbiliti f'dan l-Artikolu u fl-Artikolu 72. F'tali każ, ir-referenzi kollha għall-kulleġġi ta' riżoluzzjoni f'din id-Direttiva għandhom jinftiehmu bħala referenzi għal dawk il-gruppi jew il-kulleġġi l-oħrajn.

7.   L-EIOPA għandha tiżviluppa abbozzi ta' standards tekniċi regolatorji sabiex tispeċifika l-funzjonament operazzjonali tal-kulleġġi ta' riżoluzzjoni għat-twettiq tal-kompiti msemmijin fil-paragrafi 1.

L-EIOPA għandha tippreżenta dawk l-abbozzi ta' standards tekniċi regolatorji lill-Kummissjoni sad-29 ta’ Lulju 2026.

Il-Kummissjoni qed tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1094/2010.