Artikolu 76 Rikonoxximent u infurzar ta' proċedimenti ta' riżoluzzjoni ta' pajjiżi terzi

1.   Dan l-Artikolu għandu japplika fir-rigward tal-proċedimenti ta' riżoluzzjoni ta' pajjiżi terzi, sakemm jidħol fis-seħħ ftehim internazzjonali kif imsemmi fl-Artikolu 75(1) mal-pajjiż terz ikkonċernat dment li ma jkunx daħal. Huwa għandu japplika wkoll wara d-dħul fis-seħħ ta' tali ftehim internazzjonali mal-pajjiż terz ikkonċernat dment li r-rikonoxximent u l-infurzar tal-proċeduri ta' riżoluzzjoni ta' pajjiżi terzi ma jkunux regolati b'dak il-ftehim.

2.   L-awtorità ta' riżoluzzjoni kkonċernata għandha tiddeċiedi jekk għandhiex tirrikonoxxi u tinforza, ħlief kif previst fl-Artikolu 77, proċedimenti ta' riżoluzzjoni ta' pajjiżi terzi relatati ma' impriża sussidjarja fl-Unjoni jew ma' fergħa fl-Unjoni ta' impriża ta' pajjiż terz jew ta’ impriża prinċipali.

Id-deċiżjoni għandha tqis kif xieraq l-interessi ta' kull Stat Membru fejn topera impriża tal-assigurazzjoni jew tar-riassigurazzjoni jew impriża prinċipali ta' pajjiż terz, u b'mod partikolari l-impatt potenzjali tar-rikonoxximent u l-infurzar ta’ proċedimenti ta’ riżoluzzjoni ta’ pajjiżi terzi fuq il-partijiet l-oħrajn tal-grupp u fuq id-detenturi ta' poloz, fuq l-ekonomija reali u fuq l-istabbiltà finanzjarja f'dawk l-Istati Membri.

3.   L-Istati Membri għandhom jiżguraw li l-awtoritajiet ta' riżoluzzjoni jkollhom, bħala minimu, is-setgħa li jagħmlu dan li ġej:

4.   L-awtoritajiet ta' riżoluzzjoni jistgħu jieħdu azzjoni ta' riżoluzzjoni, fejn tkun neċessarja fl-interess pubbliku, fir-rigward ta' impriża prinċipali meta l-awtorità ta' pajjiż terz rilevanti tiddetermina li impriża tal-assigurazzjoni jew tar-riassigurazzjoni li tkun impriża sussidjarja ta' dik l-impriża prinċipali u li tkun inkorporata f'dak il-pajjiż terz tissodisfa l-kundizzjonijiet għar-riżoluzzjoni skont il-liġi ta' dak il-pajjiż terz. Għal dak l-għan, l-Istati Membri għandhom jiżguraw li l-awtoritajiet ta' riżoluzzjoni jingħataw is-setgħa li jużaw kwalunkwe setgħa ta' riżoluzzjoni fir-rigward ta' dik l-impriża prinċipali, u għandu jkun japplika l-Artikolu 48.

5.   Ir-rikonoxximent u l-infurzar ta' proċedimenti ta' riżoluzzjoni ta' pajjiżi terzi għandhom ikunu mingħajr preġudizzju għal kwalunkwe proċediment ta' insolvenza normali skont il-liġi nazzjonali applikabbli, fejn xieraq, f'konformità ma' din id-Direttiva.