|
+Artikolu 48 2. |
Artikolu 48 2.Ir-rapport għandu jkun fih valutazzjoni ta’, fost affarijiet oħra, jekk is-sommarju tal-prospett, ir-reġimi ta’ żvelar stipulati fl-Artikoli 14a u 15a, id-dokument tar-reġistrazzjoni universali msemmi fl-Artikolu 9 u l-qafas għall-iskrutinju u l-approvazzjoni tal-prospett imsemmi fl-Artikolu 20 ikunux għadhom xierqa fid-dawl tal-objettivi tagħhom. Ir-rapport għandu jkun fih dan kollu li ġej:
(a)
l-għadd ta’ Prospetti tal-Ħruġ tal-UE dwar it-Tkabbir imfassla minn persuni f’kull waħda mill-kategoriji msemmijin fl-Artikolu 15a(1), l-ewwel subparagrafu, il-punti (a) sa (d), u analiżi tal-evoluzzjoni ta’ kull għadd bħal dan u tax-xejriet fl-għażla taċ-ċentri tan-negozjar mill-persuni intitolati li jużaw il-Prospetti tal-Ħruġ tal-UE dwar it-Tkabbir;
(b)
analiżi dwar jekk il-Prospett tal-Ħruġ tal-UE dwar it-Tkabbir jilħaqx il-bilanċ it-tajjeb bejn il-protezzjoni tal-investituri u t-tnaqqis tal-piż amministrattiv għall-persuni intitolati li jużawh;
(c)
l-għadd ta’ Prospetti ta’ Segwitu tal-UE approvati u analiżi tal-evoluzzjoni tat-tali għadd;
(d)
analiżi dwar jekk il-Prospett ta’ Segwitu tal-UE jilħaqx il-bilanċ it-tajjeb bejn il-protezzjoni tal-investituri u t-tnaqqis tal-piż amministrattiv għall-persuni intitolati li jużawh;
(e)
il-kost tat-tħejjija u tal-approvazzjoni ta’ Prospett ta’ Segwitu tal-UE u ta’ Prospett tal-Ħruġ tal-UE dwar it-Tkabbir meta mqabblin mal-kostijiet kurrenti għat-tħejjija u għall-approvazzjoni ta’ prospett standard, flimkien ma’ indikazzjoni tal-iffrankar finanzjarju ġenerali miksub u ta’ liema kostijiet jistgħu jitnaqqsu aktar kemm għall-Prospett ta’ Segwitu tal-UE kif ukoll għall-Prospett tal-Ħruġ tal-UE dwar it-Tkabbir;
(f)
analiżi dwar jekk id-dokument stabbilit fl-Anness IX jilħaqx il-bilanċ it-tajjeb bejn il-protezzjoni tal-investituri u t-tnaqqis tal-piż amministrattiv għall-persuni intitolati li jużawh;
(g)
analiżi ta’ jekk il-proċeduri ta’ skrutinju u approvazzjoni tal-awtoritajiet kompetenti, f’konformità mal-Artikolu 20 u mal-atti delegati adottati abbażi ta’ dak l-Artikolu, jiżgurawx livell xieraq ta’ konverġenza superviżorja fl-Unjoni kollha u jibqgħux xierqa fid-dawl tal-objettivi tagħhom; tali analiżi għandha tkun ibbażata fuq rapport ipprovdut mill-ESMA mhux aktar tard minn sena qabel id-data tar-rapport ta’ rieżami mill-Kummissjoni;
(h)
analiżi ta’ jekk il-possibbiltà għall-Istati Membri li jirrikjedu żvelar nazzjonali f’konformità mal-Artikolu 3(2d) twassalx għall-konverġenza tar-rekwiżiti ta’ żvelar nazzjonali taħt il-limitu ta’ eżenzjoni rilevanti stabbilit fl-Artikolu 3(2) jew 3(2a) u jekk dak l-iżvelar nazzjonali jikkostitwixxix ostaklu għall-offerta ta’ titoli lill-pubbliku f’dawk l-Istati Membri. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|