Artikolu 43 Salvagwadrji kontra l-konflitti ta’ interess

id-deċiżjonijiet meħuda mill-funzjoni tal-immaniġġjar tar-riskji jkunu bbażati fuq dejta affidabbli, li huma soġġetti għal livell xieraq ta’ kontroll mill-funzjoni tal-immaniġġjar tar-riskji;

ir-rimunerazzjoni ta’ dawk involuti fit-twettiq tal-funzjoni tal-immaniġġjar tar-riskji tirrifletti l-kisba tal-għanijiet marbuta mal-funzjoni tal-immaniġġjar tar-riskji, indipendentement mill-prestazzjoni tal-oqsma tan-negozju li jkunu involuti fihom;

il-funzjoni tal-immaniġġjar tar-riskji tkun soġġetta għal reviżjoni indipendenti xierqa biex tiżgura li d-deċiżjonijiet qed jittieħdu indipendentement;

il-funzjoni tal-immaniġġjar tar-riskji hija rrappreżentata fil-korp tat-tmexxija jew fil-funzjoni superviżorja, fejn tkun ġiet stabbilita, mill-anqas bl-istess awtorità daqs tal-funzjoni tal-immaniġġjar tal-portafolji;

kwalunkwe dmir konfliġġenti għandu jiġi ssegregat kif xieraq.

it-twettiq tal-funzjoni tal-immaniġġjar tar-riskji tiġi riveduta regolarment mill-funzjoni tal-awditjar intern, jew, jekk din ma tkunx ġiet stabbilita, minn parti esterna maħtura mill-korp tat-tmexxija;

fejn ikun ġie stabbilit kumitat tar-riskji, ikun mgħammar bir-riżorsi kif xieraq u l-membri mhux independenti tiegħu ma jkollhomx influwenza żejda fuq it-twettiq tal-funzjoni tal-immaniġġjar tar-riskji.