Artikolu 60 Kontroll mill-korp tat-tmexxija, il-maniġment superjuri u l-funzjoni tas-superviżjoni

ikun responsabbli mill-implimentazzjoni tal-politika ġenerali tal-investiment għal kull AIF immaniġġjat, kif definit, fejn rilevanti, fir-regoli tal-fond, fl-istrumenti tal-inkorporazzjoni, fil-prospett jew fid-dokumenti tal-offerta;

jissorvelja l-approvazzjoni tal-istrateġiji tal-investiment għal kull AIF immaniġġjat;

ikun responsabbli biex jiżgura li hemm stabbiliti u implimentat politiki u proċeduri tal-valwazzjoni skont l-Artikolu 19 tad-Direttiva 2011/61/UE;

ikun responsabbli biex jiżgura li l-AIFM ikollu funzjoni tal-konformità permanenti u effettiva, anki jekk din il-funzjoni titwettaq minn parti terza;

jiżgura u jivverifika perjodikament li l-politika ġenerali tal-investiment, l-istrateġiji tal-investiment u l-limiti tar-riskji ta’ kull AIF immaniġġjat ikunu qegħdin jiġu implimentati u osservati sew u b’mod effikaċi, anke jekk il-funzjoni tal-immaniġġjar tar-riskji titwettaq minn partijiet terzi;

japprova u jirrevedi perjodikament l-adegwatezza tal-proċeduri interni għat-teħid tad-deċiżjonijiet dwar investiment għal kull AIF immaniġġjat, sabiex ikun żgurat li dawk id-deċiżjonijiet ikunu konsistenti mal-istrateġiji approvati ta’ investiment;

japprova u jirrevedi perjodikament il-politika u l-arranġamenti tal-immaniġġjar tar-riskji, il-proċessi u t-tekniki għall-implimentazzjoni ta’ dik il-politika, inkluża s-sistema tal-limitu tar-riskji għal kull AIF li jimmaniġġja;

ikun responsabbli biex jistabbilixxi u japplika politika ta’ rimunerazzjoni skont l-Anness II tad-Direttiva 2011/61/UE;

huwa responsabbli għall-integrazzjoni tar-riskji għas-sostenibbiltà fl-attivitajiet imsemmija fil-punti (a) sa (h).

jivvalutaw u janaliżaw perjodikament l-effikaċja tal-politiki, l-arranġamenti u l-proċeduri fis-seħħ għall-konformità mal-obbligi stipulati fid-Direttiva 2011/61/UE;

jieħdu miżuri xierqa biex jiġi indirizzat kwalunkwe nuqqas.