Artikolu 22c 8.

toffri lill-atturi msemmija fil-paragrafu 9, il-punt (a), il-ġbir ta’ tali prodotti tat-tessuti, prodotti relatati mat-tessuti u prodotti ta’ xedd is-saqajn użati u mormija, u tipprevedi l-arranġamenti prattiċi għall-ġbir u t-trasport ta’ tali prodotti tat-tessuti, prodotti relatati mat-tessuti u prodotti ta’ xedd is-saqajn użati u mormija, inkluż il-forniment ta’ kontenituri xierqa, b’xejn, għall-ġbir u t-trasport, fil-punti ta’ ġbir li huma parti mis-sistema ta’ ġbir tal-organizzazzjoni b’kompetenza fil-qasam tar-responsabbiltà tal-produtturi;

tiżgura l-ġbir, b’xejn, ta’ dawn il-prodotti tat-tessuti, prodotti relatati mat-tessuti u prodotti ta’ xedd is-saqajn użati u mormija miġbura permezz tal-punti ta’ ġbir li huma parti mis-sistema ta’ ġbir tal-organizzazzjoni b’kompetenza fil-qasam tar-responsabbiltà tal-produtturi, bi frekwenza li tkun adattata għaż-żona koperta u l-volum ta’ dawn il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn użati u mormija li normalment jinġabru permezz ta’ dawk il-punti ta’ ġbir;

tiżgura l-ġbir, b’xejn, ta’ skart iġġenerat minn entitajiet tal-ekonomija soċjali u atturi oħrajn minn dawn il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn miġbura permezz tal-punti ta’ ġbir li huma parti mis-sistema ta’ ġbir tal-organizzazzjonijiet b’kompetenza fil-qasam tar-responsabbiltà tal-produtturi, b’mod koordinat bejn l-organizzazzjoni b’kompetenza fil-qasam tar-responsabbiltà tal-produtturi u l-entitajiet tal-ekonomija soċjali u atturi oħra bħal dawn.