Artikolu 6 Rekwiżiti ġenerali għas-sidien tal-bastimenti

jipprovdu lill-operatur tal-faċilità ta’ riċiklaġġ tal-bastimenti bl-informazzjoni kollha rilevanti dwar il-bastiment li tkun meħtieġa għall-iżvilupp tal-pjan għar-riċiklaġġ tal-bastiment stipulat fl-Artikolu 7;

jinnotifikaw bil-miktub lill-amministrazzjoni rilevanti, f’qafas ta’ żmien stipulat minn dik l- amministrazzjoni, bl-intenzjoni li jirriċiklaw il-bastiment f’faċilità jew faċilitajiet ta’ riċiklaġġ tal-bastimenti speċifiċi. In-notifika għandha mill-anqas tinkludi:

jiġu rriċiklati biss f’faċilitajiet tar-riċiklaġġ tal-bastimenti li jkunu inklużi fil-Lista Ewropea u, fil-każ ta’ bastimenti li huma meqjusa bħala skart perikoluż, ikunu jinsabu f’żona taħt il-ġuriżdizzjoni nazzjonali ta’ Stat Membru u jkunu esportati mill-Unjoni, f’dawk il-faċilitajiet biss li jkunu inklużi fil-Lista Ewropea li jinsabu f’pajjiżi elenkati fl-Anness VII tal-Konvenzjoni ta’ Basilea;

iwettqu operazzjonijiet, fil-perijodu qabel id-dħul fil-faċilità ta’ riċiklaġġ tal-bastimenti, b’tali mod li jkun imminimizzat l-ammont ta’ residwi ta’ merkanzija, iż-żejt mhux maħdum li jkun għad fadal u l-iskart iġġenerat tal-bastiment li jkun baqa’ abbord;

ikollhom ċertifikat ta’ bastiment lest għar-riċiklaġġ maħruġ mill-amministrazzjoni jew organizzazzjoni rikonoxxuta awtorizzata minnha qabel kwalunkwe riċiklaġġ tal-bastiment u wara li jkunu rċevew il-pjan għar-riċiklaġġ tal-bastimenti approvat f’konformità mal-Artikolu 7(3).