Artikolu 6 Standard tal-provvista tal-gass

Sat-2 ta' Frar 2018, kull Stat Membru għandu jinnotifika lill-Kummissjoni bid-definizzjoni tiegħu ta' klijenti protetti, il-volumi ta' konsum annwali ta' gass tal-klijenti protetti u l-perċentwal li dawk il-volumi ta' konsum jirrappreżentaw tal-konsum totali annwali finali tal-gass f'dak l-Istat Membru. Fejn Stat Membru jinkludi fid-definizzjoni tiegħu ta' klijenti protetti l-kategoriji msemmijin fil-punt 5(a) jew (b) tal-Artikolu 2, huwa għandu jispeċifika l-volumi tal-konsum ta' gass li jikkorrispondu għal klijenti li jappartjenu għal dawk il-kategoriji u l-perċentwal li kull wieħed minn dawn il-gruppi ta' klijenti jirrappreżenta fil-konsum totali annwali finali tal-gass.

L-awtorità kompetenti għandha tidentifika l-impriżi tal-gass naturali msemmijin fl-ewwel subparagrafu ta' dan il-paragrafu u għandha tispeċifikahom fil-pjan ta' azzjoni preventiva.

Kwalunkwe miżura ġdida mhux ibbażata fuq is-suq prevista sabiex tiżgura l-istandard tal-provvista tal-gass għandha tkun konformi mal-proċedura stabbilita fl-Artikolu 9(4) sa (9).

L-Istati Membri jistgħu jikkonformaw mal-obbligu stabbilit fl-ewwel subparagrafu permezz tal-implimentazzjoni ta' miżuri ta' effiċjenza enerġetika jew billi jissostitwixxu l-gass b'sors differenti tal-enerġija, inter alia fost l-oħrajn b'sorsi tal-enerġija rinnovabbli, dment li jinkiseb l-istess livell ta' protezzjoni.

Il-Kummissjoni tista' titlob ġustifikazzjoni li turi konformità ta' kwalunkwe miżura msemmija fl-ewwel subparagrafu mal-kondizzjonijiet stabbiliti fih. Tali ġustifikazzjoni għandha tiġi ppubblikata mill-awtorità kompetenti tal-Istat Membru li jintroduċi l-miżura.

Barra minn hekk, kwalunkwe miżura ġdida mhux ibbażata fuq is-suq skont l-ewwel subparagrafu ta' dan il-paragrafu, adottata fi jew wara l-1 ta' Novembru 2017, għandha tikkonforma mal-proċedura stabbilita fl-Artikolu 9(4) sa (9).