Artikolu 15b Immappjar ta’ żoni meħtieġa għall-kontributi nazzjonali lejn il-mira ġenerali tal-Unjoni dwar l-enerġija rinnovabbli għall-2030

Sal-21 ta’ Mejju 2025, l-Istati Membri għandhom iwettqu mmappjar ikkoordinat għall-varar tal-enerġija rinnovabbli fit-territorju tagħhom biex jidentifikaw il-potenzjal domestiku u s-superfiċje tal-art, is-sottosuperfiċje, żoni tal-baħar jew tal-ilma intern li huma disponibbli kif meħtieġ għall-installazzjoni ta’ impjanti tal-enerġija rinnovabbli, u l-infrastruttura relatata tagħhom, bħal faċilitajiet tal-grilja u tal-ħżin, inkluż il-ħżin termiku, li huma meħtieġa sabiex jintlaħqu mill-anqas il-kontributi nazzjonali tagħhom lejn il-mira ġenerali tal-Unjoni għall-enerġija rinnovabbli għall-2030 stabbiliti fl-Artikolu 3(1) ta’ din id-Direttiva. L-Istati Membri jistgħu jużaw jew jibnu fuq id-dokumenti jew il-pjanijiet tal-ippjanar spazjali eżistenti tagħhom għal dan il-fini, inklużi l-pjanijiet spazjali marittimi stabbiliti skont id-Direttiva 2014/89/UE tal-Parlament Ewropew u tal-Kunsill ( 16 ). L-Istati Membri għandhom jiżguraw koordinazzjoni fost l-awtoritajiet u l-entitajiet nazzjonali, reġjonali u lokali rilevanti kollha, inkluż l-operaturi tan-networks, fl-immappjar taż-żoni meħtieġa, meta xieraq.

Għall-fini tal-identifikazzjoni taż-żoni msemmija fil-paragrafu 1, l-Istati Membri għandhom jieħdu inkunsiderazzjoni, b’mod partikolari:

L-Istati Membri għandhom jiffavorixxu l-użi multipli taż-żoni identifikati b’riżultat tal-obbligu fil-paragrafu 1. Proġetti tal-enerġija rinnovabbli għandhom ikunu kompatibbli mal-użi preeżistenti ta’ dawk iż-żoni.

L-Istati Membri għandhom jirrieżaminaw u, fejn meħtieġ, jaġġornaw perjodikament iż-żoni msemmija fil-paragrafu 1 ta’ dan l-Artikolu, b’mod partikolari fil-kuntest tal-aġġornament tal-pjanijiet nazzjonali għall-enerġija u l-klima ppreżentati skont l-Artikoli 3 u 14 tar-Regolament (UE) 2018/1999.