Artikolu 16a 2.

Il-proċedura għall-ħruġ tal-permessi għar-repowering ta’ impjanti tal-enerġija rinnovabbli u għal installazzjonijiet ġodda b’kapaċità elettrika ta’ inqas minn 150 kW, għall-faċilitajiet tal-ħżin kolokalizzati, inklużi l-faċilitajiet tal-elettriku u termiċi, kif ukoll għall-konnessjoni tagħhom mal-grilja, li jkunu jinsabu fiż-żoni ta’ aċċelerazzjoni għall-enerġija rinnovabbli, ma għandhiex taqbeż is-sitt xhur. Madankollu, fil-każ ta’ proġetti tal-enerġija mir-riħ lil hinn mill-kosta, il-proċedura għall-ħruġ tal-permessi ma għandhiex teċċedi 12-il xahar. Meta debitament ġustifikat abbażi ta’ ċirkostanzi straordinarji, bħal abbażi ta’ raġunijiet prevalenti ta’ sikurezza meta l-proġett ta’ repowering ikollu impatt sostanzjali fuq il-grilja jew fuq il-kapaċità, id-daqs jew il-prestazzjoni oriġinali tal-installazzjoni, l-Istati Membri jistgħu jestendu l-perjodu ta’ sitt xhur u l-perjodu ta’ 12-il xahar għal proġetti tal-enerġija mir-riħ lil hinn mill-kosta jistgħu jiġu estiżi sa sitt xhur. L-Istati Membri għandhom jinfurmaw lill-iżviluppatur tal-proġett b’mod ċar biċ-ċirkostanzi straordinarji li jiġġustifikaw tali estensjoni.