Artikolu 23 4.

inkorporazzjoni fiżika tal-enerġija rinnovabbli jew tas-sħana u l-kesħa mormija fis-sorsi u fil-karburanti tal-enerġija fornuti għat-tisħin u t-tkessiħ;

l-installazzjoni ta’ sistemi tat-tisħin u t-tkessiħ rinnovabbli effiċjenti ħafna fil-binjiet, il-konnessjoni tal-binjiet ma’ sistemi effiċjenti ħafna tat-tisħin u t-tkessiħ distrettwali jew l-użu ta’ enerġija rinnovabbli jew sħana u kesħa mormija fi proċessi tat-tisħin u t-tkessiħ industrijali;

miżuri koperti minn ċertifikati negozjabbli li jagħtu xhieda tal-konformità mal-obbligu stabbilit fil-paragrafu 1, l-ewwel subparagrafu, permezz ta’ appoġġ għal miżuri ta’ installazzjoni skont il-punt (b) ta’ dan il-paragrafu, imwettqa minn operatur ekonomiku ieħor bħal installatur tat-teknoloġija tal-enerġija rinnovabbli indipendenti jew kumpanija tas-servizzi tal-enerġija li tipprovdi servizzi ta’ installazzjoni tal-enerġija rinnovabbli;

il-bini tal-kapaċitajiet għall-awtoritajiet nazzjonali, reġjonali u lokali biex jimmappjaw il-potenzjal lokali tat-tisħin u t-tkessiħ rinnovabbli u biex jippjanaw, jimplimentaw proġetti u infrastrutturi tal-enerġija rinnovabbli u jagħtu pariri dwarhom;

il-ħolqien ta’ oqfsa tal-mitigazzjoni tar-riskju biex jitnaqqas il-kost tal-kapital għal proġetti tat-tisħin u t-tkessiħ rinnovabbli u tas-sħana u l-kesħa mormija, fost l-oħrajn, li jippermettu r-raggruppament ta’ proġetti iżgħar kif ukoll li jorbtu tali proġetti b’mod aktar olistiku ma’ miżuri oħra ta’ effiċjenza enerġetika u ta’ rinnovazzjoni tal-binjiet;

il-promozzjoni ta’ ftehimiet dwar ix-xiri ta’ tisħin u ta’ tkessiħ rinnovabbli għal konsumaturi żgħar korporattivi u kollettivi;

skemi ta’ sostituzzjoni ppjanati tas-sorsi u tas-sistemi tat-tisħin bil-karburanti fossili li mhumiex kompatibbli mas-sorsi rinnovabbli jew mal-iskemi ta’ eliminazzjoni gradwali tal-karburanti fossili bi stadji importanti;

ir-rekwiżiti fil-livell lokali u reġjonali relatati mal-ippjanar tat-tisħin u tat-tkessiħ minn sorsi rinnovabbli;

il-promozzjoni tal-produzzjoni tal-bijogass u l-injezzjoni tiegħu fil-grilja tal-gass, minflok l-użu tiegħu għall-produzzjoni tal-elettriku;

miżuri li jippromwovu l-integrazzjoni ta’ teknoloġija tal-ħżin tal-enerġija termika fis-sistemi tat-tisħin u t-tkessiħ;

il-promozzjoni ta’ networks tat-tisħin u t-tkessiħ distrettwali bbażati fuq sorsi rinnovabbli, b’mod partikolari mill-komunitajiet tal-enerġija rinnovabbli, inkluż permezz ta’ miżuri regolatorji, arranġamenti ta’ finanzjament u appoġġ;

miżuri ta’ politika oħrajn, b’effett ekwivalenti, inklużi miżuri fiskali, skemi ta’ appoġġ jew inċentivi finanzjarji oħrajn li jikkontribwixxu għall-installazzjoni ta’ tagħmir għat-tisħin u t-tkessiħ rinnovabbli u għall-iżvilupp ta’ networks tal-enerġija li jfornu enerġija rinnovabbli għat-tisħin u t-tkessiħ fil-binjiet u fl-industrija.