Artikolu 26 Regoli speċifiċi għal bijokarburanti, bijolikwidi u karburnti mill-bijomassa prodotti minn għelejjel tal-ikel jew tal-għalf

Meta dak is-sehem ikun inqas minn 1 % fi Stat Membru, huwa jista' jiżdied sa massimu ta' 2 % tal-konsum finali fis-setturi tat-trasport bit-triq u bil-ferrovija.

L-Istati Membri jistgħu jistabbilixxu limitu aktar baxx u jistgħu jiddistingwu, għall-finijiet tal-Artikolu 29(1) bejn tipi ta' bijokarburanti, bijolikwidi u karburanti mill-bijomassa prodotti minn għelejjel tal-ikel u l-għalf, b'kont meħud tal-aħjar evidenza disponibbli dwar l-impatt tal-bidla indiretta fl-użu tal-art. L-Istati Membri jistgħu, pereżempju, jistabbilixxu limitu aktar baxx għas-sehem minn bijokarburanti bijolikwidi u l-karburanti mill-bijomassa prodotti minn għelejjel taż-żejt.

Meta s-sehem ta’ bijokarburanti u bijolikwidi, kif ukoll ta’ karburanti tal-bijomassa kkunsmati fit-trasport, prodotti minn għelejjel tal-ikel u tal-għalf fi Stat Membru jkun limitat għal sehem ta’ anqas minn 7 % jew Stat Membru jiddeċiedi li jillimita s-sehem aktar, dak l-Istat Membru jista’ jnaqqas is-sehem minimu ta’ enerġija rinnovabbli jew il-mira ta’ tnaqqis tal-intensità tal-gassijiet serra msemmija fl-Artikolu 25(1), l-ewwel subparagrafu, il-punt (a), kif xieraq, fid-dawl tal-kontribut li dawk il-karburanti kienu jagħmlu f’termini tas-sehem minimu ta’ enerġija rinnovabbli jew tal-iffrankar tal-emissjonijiet ta’ gassijiet serra. Għall-finijiet tal-mira ta’ tnaqqis tal-intensità tal-gassijiet serra, l-Istati Membri għandhom iqisu li dawk il-karburanti jiffrankaw 50 % tal-emissjonijiet ta’ gassijiet serra.

Mill-31 ta' Diċembru 2023 sa mhux aktar tard mill-31 ta' Diċembru 2030, dan il-limitu għandu jonqos gradwalment għal 0 %.

Sal-1 ta' Frar 2019, il-Kummissjoni għandha, tippreżenta lill-Parlament Ewropew u lill-Kunsill rapport dwar l-istatus ta' espansjoni fil-produzzjoni ta' għelejjel tal-ikel u tal-għalf rilevanti madwar id-dinja.

Sal-1 ta' Frar 2019, il-Kummissjoni għandha tadotta att delegat skont l-Artikolu 35 biex tissupplimenta din id-Direttiva billi tistipula l-kriterji għaċ-ċertifikazzjoni ta' bijokarburanti, bijolikwidi u karburanti mill-bijomassa b'riskju baxx ta' tibdil indirett fl-użu tal-art u għad-determinazzjoni tal-materja prima b'riskju għoli ta' bidla indiretta fl-użu tal-art li għaliha jkun osservat li espansjoni sinifikanti tal-produzzjoni tkun f'art b'ħażna għolja ta' karbonju. Ir-rapport u l-att delegat li jakkumpanjah għandom ikunu bbażati fuq l-aħjar data xjentifika disponibbli.

Sal-1 ta’ Settembru 2023, il-Kummissjoni għandha tirrieżamina l-kriterji stabbiliti fl-atti delegati msemmija fir-raba’ subparagrafu ta’ dan il-paragrafu abbażi tal-aħjar data xjentifika disponibbli u għandha tadotta atti delegati f’konformità mal-Artikolu 35 sabiex temenda dawk il-kriterji, fejn xieraq, u biex tissuplimenta din id-Direttiva billi tinkludi trajettorja biex jitnaqqas gradwalment il-kontribut għall-mira tal-Unjoni ġenerali stabbilita fl-Artikolu 3(1) u għas-sehem minimu ta’ enerġija rinnovabbli u għall-mira ta’ tnaqqis tal-intensità tal-gassijiet serra msemmija fl-Artikolu 25(1), l-ewwel subparagrafu, il-punt (a), ta’ bijokarburanti, bijolikwidi u karburanti mill-bijomassa b’riskju għoli ta’ tibdil indirett fl-użu tal-art, prodotti minn materja prima, li għalihom hija osservata espansjoni sinifikanti taż-żona ta’ produzzjoni f’art b’ħażna għolja ta’ karbonju. Dak ir-rieżami għandu jkun ibbażat fuq verżjoni riveduta tar-rapport dwar l-espansjoni tal-materja prima ppreżentat f’konformità mat-tielet subparagrafu ta’ dan il-paragrafu. Dak ir-rapport għandu jivvaluta, b’mod partikolari, jekk il-limitu għas-sehem minimu tal-espansjoni medja annwali taż-żona ta’ produzzjoni globali f’ħażniet għolja ta’ karbonju għandux jitbaxxa abbażi ta’ kriterji oġġettivi u b’bażi xjentifika u b’kont meħud tal-miri u tal-impenji tal-Unjoni fil-qasam klimatiku.

Meta jkun xieraq, il-Kummissjoni għandha temenda l-kriterji stabbiliti fl-att delegat msemmi fir-raba’ subparagrafu abbażi tar-riżultati tal-valutazzjoni msemmija fil-ħames subparagrafu. Kull tliet snin wara l-adozzjoni tal-att delegat imsemmi fir-raba’ subparagrafu, il-Kummissjoni għandha tkompli tirrieżamina d-data li tirfed l-att delegat. Il-Kummissjoni għandha taġġorna dak l-att delegat meta jkun neċessarju fid-dawl taċ-ċirkostanzi li jevolvu u tal-evidenza xjentifika l-aktar reċenti għad-dispożizzjoni tagħha.