Artikolu 15a 4.

ikunu intitolati li jkollhom l-elettriku kondiviż injettat fil-grilja mnaqqas mill-konsum totali mkejjel tagħhom f’intervall ta’ żmien li ma jkunx itwal mill-perjodu ta’ saldu tal-iżbilanċ u mingħajr preġudizzju għat-taxxi mhux diskriminatorji, l-imposti u t-tariffi tan-network li jirriflettu l-kostijiet applikabbli;

jibbenefikaw mid-drittijiet u l-obbligi kollha tal-konsumatur bħala klijenti finali skont din id-Direttiva;

ma jkunux meħtieġa jikkonformaw mal-obbligi tal-fornitur s fejn l-enerġijarinnovabbli tiġi kondiviża bejn unitajiet domestiċi b’kapaċità installata sa massimu ta’ 10,8  kW għal unitajiet domestiċi individwali u sa massimu ta’ 50 kW għal blokok b’aktar minn appartament wieħed;

ikollhom aċċess għal kuntratti mudell volontarji b’termini u kundizzjonijiet ġusti u trasparenti u ftehimiet dwar il-kondiviżjoni tal-enerġija;

f’każ ta’ kunflitt li jirriżulta minn ftehim dwar il-kondiviżjoni tal-enerġija, ikollhom aċċess għal soluzzjoni alternattiva għat-tilwim ma’ parteċipanti oħra fil-ftehim dwar il-kondiviżjoni tal-enerġija f’konformità mal-Artikolu 26;

ma jkunux soġġetti għal trattament inġust u diskriminatorju mill-parteċipanti fis-suq jew mill-partijiet responsabbli mill-ibbilanċjar tagħhom;

jiġu informati bil-possibbiltà ta’ bidliet fiż-żoni tal-offerti f’konformità mal-Artikolu 14 tar-Regolament (UE) 2019/943 u bil-fatt li d-dritt għall-kondiviżjoni tal-enerġija jkun ristrett f’konformità mal-paragrafu 1 ta’ dan l-Artikolu;

jinnotifikaw l-arranġamenti dwar il-kondiviżjoni tal-enerġija lill-operaturi tas-sistema u lill-parteċipanti fis-suq rilevanti, inkluż il-fornituri rilevanti direttament jew inkella permezz ta’ organizzatur tal-kondiviżjoni tal-enerġija.

fil-każ ta’ unitajiet domestiċi individwali, il-limitu jista’ jiżdied sa massimu ta’ 30 kW;

fil-każ ta’ blokok b’aktar minn appartament wieħed, il-limitu jista’ jiżdied sa 100 kW jew, fil-każ ta’ ċirkostanzi speċifiċi debitament ġustifikati minħabba daqs medju mnaqqas ta’ blokok ta’ appartamenti multipli, jitnaqqas sa minimu ta’ 40 kW.