Artikolu 9 5.

l-ambitu ġeografiku adegwat taċ-ċentri virtwali reġjonali, inkluż iż-żoni tal-offerti li jikkostitwixxu dawk iċ-ċentri u sitwazzjonijiet speċifiċi ta’ żoni tal-offerti li jkunu jappartjenu għal żewġ ċentri virtwali jew aktar, bl-għan li tiġi massimizzata l-korrelazzjoni tal-prezzijiet bejn il-prezzijiet ta’ referenza u l-prezzijiet taż-żoni tal-offerti li jikkostitwixxu ċentri virtwali reġjonali;

il-livell ta’ interkonnettività tal-elettriku tal-Istati Membri, b’mod partikolari ta’ dawk l-Istati Membri taħt il-miri ta’ interkonnessjoni tal-elettriku għall-2020 u l-2030 stabbiliti fl-Artikolu 4, il-punt (d)(1), tar-Regolament (UE) 2018/1999 tal-Parlament Ewropew u tal-Kunsill ( 4 );

il-metodoloġija għall-kalkolu tal-prezzijiet ta’ referenza għaċ-ċentri virtwali reġjonali għas-swieq forward, bl-għan li jiġu mmassimizzati l-korrelazzjoni tal-prezz bejn il-prezz ta’ referenza u l-prezzijiet taż-żoni tal-offerti li jikkostitwixxu ċentru virtwali reġjonali;

il-possibbiltà li ż-żoni tal-offerti jagħmlu parti minn aktar minn ċentru virtwali reġjonali wieħed;

il-modi kif jiġu mmassimizzati l-opportunitajiet ta’ negozjar għall-prodotti ta’ ħħeġġjar li jirreferenzjaw iċ-ċentri virtwali reġjonali għas-swieq forward kif ukoll għad-drittijiet ta’ trażmissjoni għal żmien twil miż-żoni tal-offerti għaċ-ċentri virtwalireġjonali;

il-modi kif jiġi żgurat li l-pjattaforma unika ta’ allokazzjoni msemmija fil-paragrafu 2 toffri l-allokazzjoni u tiffaċilita n-negozjar tad-drittijiet ta’ trażmissjoni għal żmien twil;

l-implikazzjonijiet tal-ftehimiet intergovernattivi preeżistenti u d-drittijiet tagħhom.