+Artikolu 9 Swieq forward
---+Artikolu 9 1.
---+Artikolu 9 2.
---+Artikolu 9 3.
---+Artikolu 9 4.
---+Artikolu 9 5.
---+Artikolu 9 6.
---+Artikolu 9 7.
---+Artikolu 9 8.
---+Artikolu 9 9.
|
Artikolu 9 Swieq forward
1. Ħarsa ġenerali
| Titlu |
Regolamentazzjoni |
|
Artikolu 9 1.
|
F’konformità mar-Regolament (UE) 2016/1719, l-operaturi ta’ sistema ta’ trażmissjoni għandhom joħorġu drittijiet ta’ trażmissjoni għal żmien twil jew ikollhom stabbiliti miżuri ekwivalenti li jippermettu lill-parteċipanti fis-suq, inkluż sidien ta’ faċilitajiet tal-ġenerazzjoni tal-enerġija, jużaw l-enerġija rinnovabbli, jiħħeġġjaw ir-riskji tal-prezzijiet, sakemm valutazzjoni tas-suq forward fuq il-konfini taż-żona tal-offerti mwettqa mill-awtoritajiet regolatorji kompetenti ma turix li jkun hemm biżżejjed opportunitajiet ta’ ħħeġġjar fiż-żoni tal-offerti kkonċernati.
|
|
Artikolu 9 2.
|
Id-drittijiet ta’ trażmissjoni għal żmien twil għandhom jiġu allokati, fuq bażi regolari, b’mod trasparenti, ibbażat fuq is-suq u nondiskriminatorju permezz ta’ pjattaforma unika ta’ allokazzjoni. Il-frekwenza tal-allokazzjoni u l-maturitajiet tal-kapaċità transżonali għal żmien twil għandhom jappoġġaw il-funzjonament effiċjenti tas-swieq forward tal-Unjoni.
|
|
Artikolu 9 3.
|
It-tfassil tas-suq forward tal-Unjoni għandu jinkludi l-għodod meħtieġa biex tittejjeb il-kapaċità tal-parteċipanti fis-suq li jiħħeġġjaw ir-riskji tal-prezzijiet fis-suq intern tal-elettriku.
|
|
Artikolu 9 4.
|
Sas-17 ta’ Jannar 2026, il-Kummissjoni, wara li tikkonsulta lill-partijiet ikkonċernati rilevanti, għandha twettaq valutazzjoni tal-impatt ta’ miżuri possibbli biex jintlaħaq l-objettiv imsemmi fil-paragrafu 3. Dik il-valutazzjoni tal-impatt għandha tkopri, fost oħrajn:
(a)
bidliet possibbli fil-frekwenza tal-allokazzjoni għad-drittijiet ta’ trażmissjoni għal żmien twil;
(b)
bidliet possibbli fil-maturitajiet tad-drittijiet ta’ trażmissjoni għal żmien twil, b’mod partikolari maturitajiet estiżi sa mill-inqas tliet snin;
(c)
bidliet possibbli fin-natura tad-drittijiet ta’ trażmissjoni għal żmien twil;
(d)
modi kif jista’ jissaħħaħ is-suq sekondarju; u
(e)
l-introduzzjoni possibbli ta’ ċentri virtwali reġjonali għas-suq forward.
|
|
Artikolu 9 5.
|
Fir-rigward taċ-ċentri virtwali reġjonali għas-swieq forward, il-valutazzjoni tal-impatt imwettqa skont il-paragrafu 4 għandha tkopri dan li ġej:
(a)
l-ambitu ġeografiku adegwat taċ-ċentri virtwali reġjonali, inkluż iż-żoni tal-offerti li jikkostitwixxu dawk iċ-ċentri u sitwazzjonijiet speċifiċi ta’ żoni tal-offerti li jkunu jappartjenu għal żewġ ċentri virtwali jew aktar, bl-għan li tiġi massimizzata l-korrelazzjoni tal-prezzijiet bejn il-prezzijiet ta’ referenza u l-prezzijiet taż-żoni tal-offerti li jikkostitwixxu ċentri virtwali reġjonali;
(b)
il-livell ta’ interkonnettività tal-elettriku tal-Istati Membri, b’mod partikolari ta’ dawk l-Istati Membri taħt il-miri ta’ interkonnessjoni tal-elettriku għall-2020 u l-2030 stabbiliti fl-Artikolu 4, il-punt (d)(1), tar-Regolament (UE) 2018/1999 tal-Parlament Ewropew u tal-Kunsill (
4
);
(c)
il-metodoloġija għall-kalkolu tal-prezzijiet ta’ referenza għaċ-ċentri virtwali reġjonali għas-swieq forward, bl-għan li jiġu mmassimizzati l-korrelazzjoni tal-prezz bejn il-prezz ta’ referenza u l-prezzijiet taż-żoni tal-offerti li jikkostitwixxu ċentru virtwali reġjonali;
(d)
il-possibbiltà li ż-żoni tal-offerti jagħmlu parti minn aktar minn ċentru virtwali reġjonali wieħed;
(e)
il-modi kif jiġu mmassimizzati l-opportunitajiet ta’ negozjar għall-prodotti ta’ ħħeġġjar li jirreferenzjaw iċ-ċentri virtwali reġjonali għas-swieq forward kif ukoll għad-drittijiet ta’ trażmissjoni għal żmien twil miż-żoni tal-offerti għaċ-ċentri virtwalireġjonali;
(f)
il-modi kif jiġi żgurat li l-pjattaforma unika ta’ allokazzjoni msemmija fil-paragrafu 2 toffri l-allokazzjoni u tiffaċilita n-negozjar tad-drittijiet ta’ trażmissjoni għal żmien twil;
(g)
l-implikazzjonijiet tal-ftehimiet intergovernattivi preeżistenti u d-drittijiet tagħhom.
|
|
Artikolu 9 6.
|
Abbażi tal-eżitu tal-valutazzjoni tal-impatt imsemmija fil-paragrafu 4 ta’ dan l-Artikolu, il-Kummissjoni għandha, sas-17 ta’ Lulju 2026, tadotta att ta’ implimentazzjoni biex tispeċifika aktar il-miżuri u l-għodod biex jintlaħqu l-objettivi msemmija fil-paragrafu 3 ta’ dan l-Artikolu u l-karatteristiċi preċiżi ta’ dawk il-miżuri u l-għodod. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 67(2).
|
|
Artikolu 9 7.
|
Il-pjattaforma unika ta’ allokazzjoni stabbilita f’konformità mar-Regolament (UE) 2016/1719 għandha taġixxi bħala entità li toffri allokazzjoni u li tiffaċilita n-negozjar tad-drittijiet ta’ trażmissjoni għal żmien twil f’isem l-operaturi ta’ sistema ta’ trażmissjoni. Għandu jkollha forma ġuridika kif imsemmi fl-Anness II tad-Direttiva (UE) 2017/1132 tal-Parlament Ewropew u tal-Kunsill (
5
). |
|
Artikolu 9 8.
|
Meta awtorità regolatorja kompetenti tqis li ma jkunx hemm biżżejjed opportunitajiet ta’ ħħeġġjar disponibbli għall-parteċipanti fis-suq, tista’, wara konsultazzjoni mal-awtoritajiet kompetenti maħtura skont l-Artikolu 67 tad-Direttiva 2014/65/UE tal-Parlament Ewropew u tal-Kunsill (
6
) meta s-swieq forward jikkonċernaw strumenti finanzjarji kif iddefiniti fl-Artikolu 4(1), il-punt (15), ta’ dik id-Direttiva, tista’ tirrikjedi skambji tal-enerġija jew li l-operaturi ta’ sistemi ta’ trażmissjoni jimplimentaw miżuri addizzjonali, bħal attivitajiet ta’ ġenerazzjoni tas-suq, biex tittejjeb il-likwidità tas-suq forward. |
|
Artikolu 9 9.
|
Soġġett għall-konformità mal-liġi tal-Unjoni dwar il-kompetizzjoni u mar-Regolamenti (UE) Nru 648/2012 (
7
) u (UE) Nru 600/2014 (
8
) tal-Parlament Ewropew u tal-Kunsill u mad-Direttiva 2014/65/UE, l-operaturi tas-suq jistgħu jiżviluppaw prodotti ta’ ħħeġġjar forward, inkluż prodotti ta’ ħħeġġjar forward għal żmien twil, biex jipprovdu lill-parteċipanti fis-suq, inkluż is-sidien ta’ faċilitajiet tal-ġenerazzjoni tal-enerġija li jużaw sorsi tal-enerġija rinnovabbli, b’possibbiltajiet xierqa għall-iħħeġġjar tar-riskji finanzjarji kontra l-fluttwazzjonijiet fil-prezzijiet. L-Istati Membri m’għandhomx jirrikjedu li din l-attività ta’ ħħeġġjar tista’ tkun limitata għal negozjar fi Stat Membru jew żona tal-offerti. |
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 16.07.2024 00:00:00 -Doknr: CELEX:32019R0943
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|