1. Il-Programm għandu jiġi implimentat permezz ta’ programmi ta’ ħidma kif imsemmija fl-Artikolu 110 tar-Regolament Finanzjarju. Il-programmi ta’ ħidma għandhom jistipulaw l-azzjonijiet u l-baġit assoċjat meħtieġa biex jintlaħqu l-objettivi tal-Programm u, fejn ikun applikabbli, l-ammont globali riżervat għal operazzjonijiet ta’ taħlit. Il-programmi ta’ ħidma għandhom jikkomplementaw il-programmi ta’ ħidma għall-komponent ta’ GOVSATCOM, kif imsemmija fl-Artikolu 100 tar-Regolament (UE) 2021/696.
Il-Kummissjoni għandha tadotta l-programmi ta’ ħidma permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 47(3).