KAPITOLU V SISTEMA TAL-IT DEĊENTRALIZZATA

Artikolu 20

Id-dokumenti trażmessi bħala parti minn komunikazzjoni elettronika ma għandhomx jiġu miċħuda effett legali jew jitqiesu inammissibbli fil-kuntest ta’ proċeduri ġudizzjarji transfruntieri skont dan ir-Regolament għall-unika raġuni li huma f’forma elettronika.

Artikolu 24

Qabel ma jsir applikabbli l-obbligu li titwettaq komunikazzjoni bil-miktub permezz tas-sistema tal-IT deċentralizzata msemmija fl-Artikolu 19 (“perjodu ta’ tranżizzjoni”), il-komunikazzjoni bil-miktub bejn l-awtoritajiet kompetenti u l-istabbilimenti jew ir-rappreżentanti legali deżinjati skont dan ir-Regolament għandha ssir bl-aktar mezzi alternattivi xierqa, filwaqt li titqies il-ħtieġa li jiġi żgurat skambju rapidu, sigur u affidabbli ta’ informazzjoni. Meta il-fornituri tas-servizzi, l-Istati Membri jew l-aġenziji tal-Unjoni jkunu stabbilew pjattaformi ddedikati jew kanali siguri oħra għall-immaniġġjar tat-talbiet għad-data mill-awtoritajiet tal-infurzar tal-liġi u mill-awtoritajiet ġudizzjarji, l-awtoritajiet emittenti jistgħu jagħżlu wkoll li jittrażmettu EPOC jew EPOC-PR permezz ta’ dawk il-kanali lill-istabbilimenti jew lir-rappreżentanti legali deżinjati matul il-perjodu ta’ tranżizzjoni.