Artikolu 6

L-awtoritajiet kompetenti jistgħu, fi kwalunkwe ħin wara li jkun inħareġ in-numru tar-reġistrazzjoni, jivverifikaw id-dikjarazzjoni u kwalunkwe dokumentazzjoni ta’ sostenn sottomessa minn ospitant skont l-Artikolu 5(1) u (2).

Meta awtorità kompetenti, wara verifika skont il-paragrafu 1, issib li l-informazzjoni jew id-dokumentazzjoni sottomessa skont l-Artikolu 5(1) u (2) ma tkunx kompluta jew tkun skorretta, l-awtorità kompetenti għandu jkollha s-setgħa li titlob lill-ospitant jirrettifika l-informazzjoni u d-dokumentazzjoni pprovduti permezz tal-funzjonalità msemmija fl-Artikolu 4(3), il-punt (e), fi żmien perjodu raġonevoli li jiġi speċifikat mill-awtorità kompetenti.

Meta ospitant jonqos milli jirrettifika l-informazzjoni jew id-dokumentazzjoni mitluba skont il-paragrafu 2, l-awtorità kompetenti għandu jkollha s-setgħa li tissospendi l-validità tan-numru jew tan-numri tar-reġistrazzjoni affettwati u li toħroġ ordni li titlob lill-pjattaformi online ta’ kiri għal żmien qasir ineħħu jew jiddiżattivaw l-aċċess għal kwalunkwe elenkar relatat mal-unità jew l-unitajiet inkwistjoni mingħajr dewmien żejjed.

Meta awtorità kompetenti, wara verifika skont il-paragrafu 1, issib li jkun hemm dubji evidenti u serji fir-rigward tal-awtentiċità u l-validità tal-informazzjoni jew tad-dokumentazzjoni sottomessi skont l-Artikolu 5(1) u (2), din għandu jkollha s-setgħa li tissospendi l-validità tan-numri tar-reġistrazzjoni affettwati u li toħroġ ordni li titlob lill-pjattaformi online ta’ kiri għal żmien qasir jipprovdu aktar informazzjoni biex l-awtoritajiet kompetenti jkunu jistgħu jivverifikaw l-awtentiċità u l-validità tan-numru jew tan-numri tar-reġistrazzjoni affettwati, jew biex ineħħu jew jiddiżattivaw l-aċċess għal kwalunkwe elenkar relatat mal-unità jew l-unitajiet inkwistjoni mingħajr dewmien żejjed.

Meta awtorità kompetenti tkun biħsiebha tissospendi l-validità ta’ numru jew numri tar-reġistrazzjoni skont il-paragrafi 3 jew 4, jew tirtira n-numru jew numri skont il-paragrafu 6, din għandha tinnotifika lill-ospitant bil-miktub fejn tiddikjara r-raġunijiet għal dik l-intenzjoni. L-ospitant għandu jingħata l-opportunità li jinstema’ u, meta jkun xieraq, li jirrettifika l-informazzjoni jew id-dokumentazzjoni inkwistjoni fi żmien perjodu raġonevoli li għandu jiġi speċifikat mill-awtorità kompetenti. Meta, wara li tkun semgħet lill-ospitant, l-awtorità kompetenti tikkonferma l-intenzjoni tagħha li tissospendi, jew tirtira, il-validità ta’ numru jew numri tar-reġistrazzjoni, hija għandha tinnotifika lill-ospitant bil-miktub bid-deċiżjoni li tissospendi l-validità ta’ numru jew numri ta’ reġistrazzjoni, flimkien ma’ kopja tal-ordni msemmija fil-paragrafu 3 jew 4, jew tad-deċiżjoni li tirtira n-numru jew numri ta’ reġistrazzjoni, flimkien ma’ kopja tal-ordni f’konformità mal-paragrafu 6.

Mingħajr preġudizzju għall-paragrafu 5, meta l-ospitant ikun naqas, permezz ta’ imġiba ħażina volontarja jew negliġenza serja, milli jirrettifika l-informazzjoni mitluba f’konformità mal-paragrafu 3, jew ikun ipprovda informazzjoni mhux awtentika jew invalida f’konformità mal-paragrafu 4, l-awtoritajiet kompetenti għandu jkollhom is-setgħa jirtiraw in-numru jew in-numri tar-reġistrazzjoni u joħorġu ordni li titlob lill-pjattaformi online ta’ kiri għal żmien qasir ineħħu jew jiddiżattivaw l-aċċess għal kwalunkwe elenkar relatat mal-unità jew l-unitajiet inkwistjoni mingħajr dewmien żejjed.

L-ordnijiet maħruġin skont il-paragrafi 3, 4 , 6 u 11 għandu jkun fihom tal-anqas l-informazzjoni li ġejja:

Il-validità ta’ numru tar-reġistrazzjoni għandha tibqa’ sospiża sakemm l-ospitant ikun irrettifika l-informazzjoni u d-dokumentazzjoni rilevanti mal-awtoritajiet kompetenti. Wara li jirċievu, permezz tal-funzjonalità msemmija fl-Artikolu 4(3), il-punt (e), u jivverifikaw l-akkuratezza, il-kompletezza u l-korrettezza tal-informazzjoni u d-dokumentazzjoni pprovduti mill-ospitant, l-awtoritajiet kompetenti għandhom jerġgħu jattivaw in-numru tar-reġistrazzjoni.

L-awtorità kompetenti għandha tinforma lill-ospitanti dwar il-mekkaniżmi ta’ rimedju disponibbli b’rabta mal-passi meħudin skont il-paragrafi 2 sa 6 u 8.

Meta Stat Membru jeħtieġ li l-ospitanti jissottomettu aktar informazzjoni u dokumentazzjoni kif imsemmi fl-Artikolu 5(3), u meta l-awtorità kompetenti ssib li jkun hemm dubji serji rigwardil-konformità mar-regoli nazzjonali, reġjonali jew lokali msemmija fl-Artikolu 2(2), il-punt (a), hija tista’ tapplika d-dispożizzjonijiet ta’ dan l-Artikolu għal din l-informazzjoni jew id-dokumentazzjoni dment li r-rekwiżit inkwistjoni ma jkunx diskriminatorju u jkun proporzjonat, u jikkonforma mal-liġi tal-Unjoni.

Meta tkun tapplika proċedura ta’ reġistrazzjoni, l-Istati Membri għandhom jiżguraw li l-liġi nazzjonali tippermetti lill-awtoritajiet kompetenti jordnaw lill-fornituri ta’ pjattaformi online ta’ kiri għal żmien qasir biex jipprovdu l-informazzjoni mitluba u biex ineħħu l-elenkar relatat mal-unitajiet offruti mingħajr numru tar-reġistrazzjoni jew b’numru tar-reġistrazzjoni invalidu, jew fil-każijiet li jinvolvu l-użu ħażin ta’ numru tar-reġistrazzjoni.