|
Il-Kummissjoni għandha s-setgħa li tistabbilixxi, permezz ta’ atti ta’ implimentazzjoni, ir-rekwiżiti minimi fil-forma ta’ speċifikazzjonijiet tekniċi, kriterji tal-għoti, kundizzjonijiet jew miri għat-twettiq tal-kuntratt. Ir-rekwiżiti minimi għandhom jiġu stabbiliti fir-rigward tal-aspetti tal-prodott indirizzati fl-att delegat adottat skont l-Artikolu 4 applikabbli għall-gruppi ta’ prodotti inkwistjoni, kif rilevanti għal dawk il-gruppi ta’ prodotti. Ir-rekwiżiti minimi għandhom ikunu bbażati fuq l-ogħla żewġ klassijiet ta’ prestazzjoni, l-ogħla punteġġi jew, meta ma jkunux disponibbli, fuq l-aħjar livelli ta’ prestazzjoni possibbli kif stabbilit fl-att delegat adottat skont l-Artikolu 4 applikabbli għall-gruppi ta’ prodotti inkwistjoni. Il-kriterji tal-għoti għandhom, meta xieraq, ikollhom piż minimu ta’ bejn 15 % u 30 % fil-proċess tal-għoti li jippermettilhom li jkollhom impatt sinifikanti fuq l-eżitu tal-proċedura tal-offerti u li tiffavorixxi l-għażla tal-aktar prodotti ambjentalment sostenibbli. Il-miri għandhom jirrikjedu, fuq bażi annwali jew pluriennali, perċentwal minimu ta’ 50 % tal-akkwist imwettaq fil-livell ta’ awtoritajiet kontraenti jew entitajiet kontraenti, jew fil-livell nazzjonali aggregat, tal-aktar prodotti ambjentalment sostenibbli. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 73(3).
|