Artikolu 28 Implimentazzjoni tal-iskema ta’ prestazzjoni

it-tħejjija, l-iżvilupp, il-valutazzjoni, l-approvazzjoni u r-reviżjoni tal-pjanijiet ta’ prestazzjoni;

l-istabbiliment ta’ miri ta’ prestazzjoni, il-kriterji u l-kundizzjonijiet għall-valutazzjoni tagħhom, inkluż għall-valutazzjoni tal-konsistenza tal-miri għas-servizzi tan-navigazzjoni bl-ajru en route mal-miri ta’ prestazzjoni għall-Unjoni kollha, u metodoloġija biex jiġu definiti l-valuri diżaggregati;

il-prinċipji ġenerali għall-allokazzjoni tal-kostijiet komuni bejn is-servizzi tan-navigazzjoni bl-ajru en route u fit-terminal, kif imsemmi fl-Artikolu 21(4), il-punt (l);

il-monitoraġġ tal-pjanijiet ta’ prestazzjoni, tal-prestazzjoni tal-funzjonijiet tan-network il-mekkaniżmi ta’ allert għar-reviżjoni tal-pjanijiet u l-miri ta’ prestazzjoni u għar-reviżjoni tal-miri ta’ prestazzjoni għall-Unjoni kollha matul perjodu referenzjarju u l-ħruġ ta’ miżuri korrettivi kif imsemmi fl-Artikoli 21(4), 23, 24, 25 u 27;

l-iskedi taż-żmien għall-proċeduri kollha;

mekkaniżmu biex jiġu indirizzati avvenimenti, imsemmi fl-Artikolu 21(4), il-punt (m);

l-istabbiliment ta’ indikaturi ewlenin tal-prestazzjoni u indikaturi għall-monitoraġġ. Il-Kummissjoni għandha s-setgħa li tistabbilixxi indikaturi ewlenin tal-prestazzjoni għas-servizzi tan-navigazzjoni bl-ajru fit-terminal fil-qasam ewlieni ta’ prestazzjoni tal-klima u l-ambjent ladarba jkun possibbli li jiġu stabbiliti indikaturi li jkunu validi, affidabbli u li jistgħu jitkejlu. Bħala minimu, dawk l-indikaturi għandhom ikunu kapaċi juru u jkejlu l-impatti f’dik iż-żona li jistgħu jiġu influwenzati direttament mill-fornituri tas-servizzi tan-navigazzjoni bl-ajru;

metodoloġija għall-valutazzjoni komparattiva;

l-iskemi ta’ inċentivi;

il-kundizzjonijiet għall-istabbiliment tal-pjanijiet konġunti ta’ prestazzjoni.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).