7. Il-Maniġer tan-Network għandu jikkontribwixxi għat-twettiq tal-funzjonijiet tan-network permezz ta’ miżuri ta’ appoġġ immirati lejn ippjanar u operazzjonijiet sikuri u effiċjenti tal-partijiet ikkonċernati fi ħdan in-network f’kundizzjonijiet normali u ta’ kriżi tan-network u miżuri mmirati lejn it-titjib kontinwu tal-operazzjonijiet tan-network fl-Ajru Uniku Ewropew u l-prestazzjoni ġenerali tan-network, speċjalment fir-rigward tal-implimentazzjoni tal-iskema ta’ prestazzjoni inkluż fir-rigward tal-klima u l-ambjent. L-azzjoni meħuda mill-Maniġer tan-Network għandha tqis il-ħtieġa li l-ajruporti jiġu integrati għalkollox fin-network u l-għan li tiġi żgurata l-konformità mal-pjanijiet ta’ prestazzjoni u l-miri ta’ prestazzjoni ta’ fornituri deżinjati tas-servizzi tat-traffiku tal-ajru.