Artikolu 38 Il-Maniġer tan-Network

1.   Biex jintlaħqu l-objettivi msemmija fl-Artikolu 37(1) ta’ dan ir-Regolament, il-Kummissjoni, bl-appoġġ tal-Aġenzija f’konformità mar-Regolament (UE) 2018/1139, għandha tiżgura li l-Maniġer tan-Network jikkontribwixxi għat-twettiq tal-funzjonijiet tan-network stipulati fl-Artikolu 37(2) ta’ dan ir-Regolament, billi jwettaq il-kompiti msemmija fil-paragrafu 6 ta’ dan l-Artikolu. Il-Kummissjoni għandha tissorvelja t-twettiq xieraq tal-kompiti tal-Maniġer tan-Network.

2.   Il-Kummissjoni għandha taħtar korp indipendenti, imparzjali u kompetenti biex iwettaq il-kompiti tal-Maniġer tan-Network.

3.   Għal dan il-għan, il-Kummissjoni għandha tadotta att ta’ implimentazzjoni f’konformità mal-proċedura ta’ eżami msemmija fl-Artikolu 48(3).

Dik id-Deċiżjoni tal-ħatra għandha tinkludi t-termini u l-kundizzjonijiet tal-ħatra, inkluż il-finanzjament tal-Maniġer tan-Network.

4.   Sabiex tiġi żgurata l-implimentazzjoni uniformi tad-dispożizzjonijiet imsemmija fil-paragrafu 2 u l-konformità magħhom, il-Kummissjoni għandha tadotta, bil-ħsieb li jinkisbu l-objettivi stipulati fl-Artikolu 1, atti ta’ implimentazzjoni li jistabbilixxu dispożizzjonijiet dettaljati li jinkludu:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

5.   Il-Maniġer tan-Network għandu jwettaq il-kompiti tiegħu b’mod imparzjali, u kosteffiċjenti u għandu jkun soġġett għal governanza u indipendenza xierqa. Jekk il-korp kompetenti maħtur bħala l-Maniġer tan-Network ikollu anki funzjonijiet regolatorji, għandha tiġi żgurata s-separazzjoni organizzattiva minn dawn il-funzjonijiet. Fit-twettiq tal-kompiti tiegħu, il-Maniġer tan-Network għandu jqis il-ħtiġijiet tan-network tal-ATM kollu filwaqt li jissalvagwardja l-kapaċitajiet tad-difiża u għandu jinvolvi bis-sħiħ il-partijiet ikkonċernati operazzjonali kollha.

6.   Mal-applikazzjoni tal-att ta’ implimentazzjoni msemmi fil-paragrafu 3 ta’ dan l-Artikolu, il-Maniġer tan-Network għandu jikkontribwixxi, fil-limiti tal-Artikolu 37(4), għat-twettiq tal-funzjonijiet tan-network permezz tal-kompiti li ġejjin:

7.   Il-Maniġer tan-Network għandu jikkontribwixxi għat-twettiq tal-funzjonijiet tan-network permezz ta’ miżuri ta’ appoġġ immirati lejn ippjanar u operazzjonijiet sikuri u effiċjenti tal-partijiet ikkonċernati fi ħdan in-network f’kundizzjonijiet normali u ta’ kriżi tan-network u miżuri mmirati lejn it-titjib kontinwu tal-operazzjonijiet tan-network fl-Ajru Uniku Ewropew u l-prestazzjoni ġenerali tan-network, speċjalment fir-rigward tal-implimentazzjoni tal-iskema ta’ prestazzjoni inkluż fir-rigward tal-klima u l-ambjent. L-azzjoni meħuda mill-Maniġer tan-Network għandha tqis il-ħtieġa li l-ajruporti jiġu integrati għalkollox fin-network u l-għan li tiġi żgurata l-konformità mal-pjanijiet ta’ prestazzjoni u l-miri ta’ prestazzjoni ta’ fornituri deżinjati tas-servizzi tat-traffiku tal-ajru.

8.   Il-Maniġer tan-Network għandu jikkoopera mill-qrib mal-Kummissjoni sabiex jiffaċilita r-riflessjoni adegwata tal-miri ta’ prestazzjoni msemmija fl-Artikolu 21 fl-ippjanar tal-kapaċità ġenerali, kif ukoll il-kapaċità li għandha tiġi pprovduta mill-fornituri tas-servizzi tat-traffiku tal-ajru u miftiehma bejn il-Maniġer tan-Network u dawk il-fornituri tas-servizzi tat-traffiku tal-ajru fl-NOP.

9.   Il-Maniġer tan-Network għandu:

10.   Sabiex tiġi żgurata l-implimentazzjoni uniformi tad-dispożizzjonijiet imsemmija fil-paragrafi 6 sa 9 ta’ dan l-Artikolu, il-Kummissjoni għandha tadotta, bil-ħsieb li jinkisbu l-objettivi stipulati fl-Artikolu 1, atti ta’ implimentazzjoni li jistabbilixxu regoli dettaljati għall-implimentazzjoni tal-kompiti tal-Maniġer tan-Network, kif definiti f’dawk il-paragrafi.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

11.   Fit-twettiq tal-kompiti tiegħu, il-Maniġer tan-Network għandu jieħu miżuri permezz ta’ proċess tat-teħid tad-deċiżjonijiet kooperattiv. Il-partijiet fil-proċess tat-teħid tad-deċiżjonijiet kooperattiv għandhom jaġixxu kemm jista’ jkun possibbli bil-ħsieb li jtejbu l-funzjonament u l-prestazzjoni tan-network inkluż il-kisba tal-miri għall-Unjoni kollha fil-qasam ewlieni ta’ prestazzjoni tal-klima u l-ambjent. Il-proċess tat-teħid tad-deċiżjonijiet kooperattiv għandu jippromwovi l-interess tan-network filwaqt li jqis l-interessi essenzjali tas-sigurtà u tad-difiża, u kundizzjonijiet lokali jew reġjonali oħra, bħall-kundizzjonijiet ġeografiċi, topografiċi u meteoroloġiċi.

L-Istati Membri għandhom ikunu involuti bis-sħiħ fid-deċiżjonijiet ta’ importanza strateġika, b’mod partikolari fit-tfassil tal-Pjan Strateġiku għan-Network.

12.   Il-proċess tat-teħid tad-deċiżjonijiet kooperattiv imsemmi fil-paragrafu 11 għandu jkun ibbażat, b’mod partikolari, fuq proċess ta’ konsultazzjoni tal-partijiet ikkonċernati operazzjonali, il-koordinaturi tas-slots tal-ajruporti, l-Istati Membri u, fejn rilevanti, l-Aġenzija u l-Kummissjoni, fuq arranġamenti ta’ ħidma u proċessi għal operazzjonijiet u fuq mekkaniżmi ta’ riżoluzzjoni li, fejn meħtieġ, jinvolvu lill-Bord tat-Tmexxija tan-Network.

Meta tkun ikkonċernata s-sovranità ta’ Stat Membru fuq l-ispazju tal-ajru tiegħu, huwa meħtieġ il-kunsens tal-Istat Membru kkonċernat.

13.   Sabiex tiġi żgurata l-implimentazzjoni uniformi tad-dispożizzjonijiet imsemmija fil-paragrafi 11 u 12 u l-konformità magħhom, il-Kummissjoni għandha tadotta, bil-ħsieb li jinkisbu l-objettivi stipulati fl-Artikolu 1, atti ta’ implimentazzjoni li jistabbilixxu dispożizzjonijiet dettaljati rigward il-proċess tat-teħid tad-deċiżjonijiet kooperattiv li jinkludu:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

14.   Jiġi stabbilit Bord tat-Tmexxija tan-Network bl-għan li tiġi żgurata governanza xierqa fuq l-eżekuzzjoni tal-funzjonijiet tan-network.

Il-Bord tat-Tmexxija tan-Network għandu jkun responsabbli għal:

L-approvazzjoni mill-Kummissjoni tal-NSP għandha tieħu l-forma ta’ att ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 48(3).

Il-Bord tat-Tmexxija tan-Network għandu jkollu membri bid-dritt tal-vot kif ukoll mingħajru. Huwa għandu jkun magħmul mir-rappreżentanti tal-partijiet ikkonċernati operazzjonali, mir-rappreżentanti tal-Kummissjoni, mir-rappreżentanti tal-Maniġer tan-Network u mir-rappreżentanti tal-Eurocontrol.

15.   Sabiex jiġu żgurati l-implimentazzjoni uniformi tad-dispożizzjonijiet imsemmija fil-paragrafu 14 ta’ dan l-Artikolu u l-konformità magħhom, il-Kummissjoni għandha, bil-ħsieb li jinkisbu l-objettivi stipulati fl-Artikolu 1, tadotta atti ta’ implimentazzjoni li jistabbilixxu regoli dettaljati rigward il-Bord tat-Tmexxija tan-Network, b’mod partikolari għal:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

16.   Mingħajr preġudizzju għall-Artikolu 37(2), il-punt (a), ta’ dan ir-Regolament u għall-Artikoli 44 u 46 tar-Regolament (UE) 2018/1139 u l-atti delegati u ta’ implimentazzjoni adottati abbażi tiegħu, l-Istati Membri għandu jkollhom il-kompetenza sħiħa għall-iżvilupp, l-approvazzjoni u l-istabbiliment tar-rotot u l-istrutturi tal-ispazju tal-ajru għall-ispazju tal-ajru taħt ir-responsabbiltà tagħhom. F’dak ir-rigward, l-Istati Membri għandhom iqisu d-domandi tat-traffiku tal-ajru, l-istaġunalità u l-kumplessità tat-traffiku tal-ajru u tal-pjanijiet ta’ prestazzjoni. Qabel ma jiddeċiedu dwar dawk l-aspetti, għandhom jagħtu kunsiderazzjoni xierqa lill-ħtiġijiet tal-utenti tal-ispazju tal-ajru kkonċernati jew gruppi li jirrappreżentaw tali utenti tal-ispazju tal-ajru u tal-awtoritajiet militari kif adatt.