Artikolu 3 Stabbiliment tas-Sistema Ewropea ta’ Allert għaċ-Ċibersigurtà

tikkontribwixxi għal protezzjoni u rispons aħjar għat-theddid ċibernetiku billi tappoġġa u tikkoopera mal-entitajiet rilevanti, u ssaħħaħ il-kapaċitajiet tagħhom, b’mod partikolari s-CSIRTs, in-network tas-CSIRTs, l-EU-CyCLONe u l-awtoritajiet kompetenti maħtura jew stabbiliti skont l-Artikolu 8(1) tad-Direttiva (UE) 2022/2555;

tiġbor id-data u l-informazzjoni rilevanti dwar it-theddid u l-inċidenti ċibernetiċi minn diversi sorsi fi ħdan iċ-Ċentri Ċibernetiċi Transfruntieri u tikkondividi informazzjoni analizzata jew aggregata permezz ta’ Ċentri Ċibernetiċi Transfruntieri, fejn rilevanti man-network tas-CSIRTs;

tiġbor u tappoġġa l-produzzjoni ta’ informazzjoni azzjonabbli ta’ kwalità għolja u intelligence dwar it-theddid ċibernetiku, billi tuża għodod mill-aktar avvanzati u teknoloġiji avvanzati, u tikkondividi dik l-informazzjoni u intelligence dwar it-theddid ċibernetiku;

tikkontribwixxi għat-tisħiħ tal-identifikazzjoni koordinata ta’ theddid ċibernetiku u għarfien sitwazzjonali komuni fl-Unjoni, u għall-ħruġ ta’ allerti, inkluż, fejn rilevanti, billi tipprovdi rakkomandazzjonijiet konkreti lill-entitajiet;

tforni servizzi u attivitajiet għall-komunità taċ-ċibersigurtà fl-Unjoni, inkluż billi tikkontribwixxi għall-iżvilupp ta’ għodod u teknoloġiji avvanzati, bħall-għodod tal-intelliġenza artifiċjali (AI) u tal-analiżi tad-data.