Artikolu 18 Obbligi tal-importaturi

1.   L-importaturi għandhom iqiegħdu biss fis-suq l-imballaġġ li huwa konformi mar-rekwiżiti stabbiliti fi jew skont l-Artikoli 5 sa 12.

2.   Qabel ma jqiegħdu l-imballaġġ fis-suq, l-importaturi għandhom jiżguraw li:

Meta importatur jidhirlu jew ikollu raġunijiet biex jemmen li l-imballaġġ ma jkunx konformi mar-rekwiżiti applikabbli stabbiliti fi jew skont l-Artikoli 5 sa 12, l-importatur ma għandux iqiegħed l-imballaġġ fis-suq qabel ma dan isir konformi.

3.   L-importaturi għandhom jindikaw fuq l-imballaġġ isimhom u l-isem kummerċjali reġistrat jew it-trademark reġistrata tagħhom kif ukoll l-indirizz postali fejn, u, meta disponibbli, il-mezzi elettroniċi ta' komunikazzjoni li permezz tagħhom ikunu jistgħu jiġu kkuntattjati. Meta ma jkunx possibbli li dik l-informazzjoni tiġi indikata fuq l-imballaġġ, hija għandha tiġi pprovduta permezz tal-mezz ta' data standardizzata, miftuħa u diġitali msemmi fl-Artikolu 12 jew f'dokument li jakkumpanja l-prodott fl-imballaġġ.

4.   L-importaturi għandhom jiżguraw li l-informazzjoni pprovduta f'konformità mal-paragrafu 3 tkun ċara, tinftiehem u tista' tinqara, u ma tissostitwix jew ma toskurax u lanqas ma tista tiġi mfixkla mal-informazzjoni meħtieġa minn xi atti legali oħra tal-Unjoni dwar it-tikkettar tal-prodott fl-imballaġġ.

5.   L-importaturi għandhom jiżguraw li filwaqt li imballaġġ ikun taħt ir-responsabbiltà tagħhom, kemm vojt jew bi prodott, il-kundizzjonijiet tal-ħżin jew tat-trasport tiegħu ma jippreġudikawx il-konformità tiegħu mar-rekwiżiti applikabbli stabbiliti fi jew skont l-Artikoli 5 sa 12.

6.   L-importaturi li jqisu, jew li jkollhom raġuni biex jemmnu, li l-imballaġġ li huma jkunu qiegħdu fis-suq ma huwiex konformi mar-rekwiżiti applikabbli stabbiliti fi jew skont l-Artikoli 5 sa 12 għandhom minnufih jieħdu l-miżuri korrettivi meħtieġa biex jagħmlu dak l-imballaġġ konformi, jirtirawh jew isejħuh lura, kif xieraq. L-importaturi għandhom jinformaw minnufih lill-awtoritajiet tas-sorveljanza tas-suq tal-Istati Membri li fihom ikunu qiegħdu l-imballaġġ, dwar in-nuqqas ta' konformità suspettat u dwar il-miżuri korrettivi meħuda.

7.   L-importaturi għandhom iżommu kopja tad-dikjarazzjoni tal-konformità tal-UE għad-dispożizzjoni tal-awtoritajiet tas-sorveljanza tas-suq u jiżguraw li d-dokumentazzjoni teknika msemmija fl-Anness VII u meħtieġa taħt jew skont l-Artikoli 5 sa 11 tkun disponibbli għal dawk l-awtoritajiet, fuq talba, kif ġej:

8.   L-importaturi, fuq talba motivata minn awtorità nazzjonali, għandhom jipprovdu lill-awtorità l-informazzjoni u d-dokumentazzjoni kollha meħtieġa biex juru l-konformità tal-imballaġġ, inkluż id-dokumentazzjoni teknika, mar-rekwiżiti applikabbli stabbiliti fi jew skont l-Artikoli 5 sa 12, b'lingwa waħda jew aktar li jistgħu jinftiehmu faċilment minn dik l-awtorità. Dik l-informazzjoni u d-dokumentazzjoni għandhom jiġu pprovduti f'forma elettronika u, fuq talba, f'forma stampata. Id-dokumenti rilevanti għandhom ikunu disponibbli fi żmien għaxart ijiem minn meta tasal it-talba mill-awtorità nazzjonali.

9.   L-importaturi għandhom jikkooperaw mal-awtorità nazzjonali kompetenti dwar kwalunkwe azzjoni meħuda biex jiġi rrimedjat kwalunkwe każ ta' nuqqas ta' konformità mar-rekwiżiti stabbiliti fi jew skont l-Artikoli 5 sa 12.