4. Għall-finijiet tal-konformità mal-Artikolu 30(1), il-punti (d) u (e), tar-Regolament (UE) 2022/2065, il-fornituri tal-pjattaformi online li jaqgħu taħt il-kamp ta' applikazzjoni tat-Taqsima 4 tal-Kapitolu III ta’ dak ir-Regolament u li jippermettu lill-konsumaturi jikkonkludu kuntratti mill-bogħod mal-produtturi għandhom jiksbu l-informazzjoni li ġejja mingħand il-produtturi li joffru imballaġġ jew prodotti fl-imballaġġ lill-konsumaturi li jinsabu fl-Unjoni qabel ma jħallu dawk il-produtturi jużaw is-servizzi tagħhom:
|
(a)
|
l-informazzjoni dwar ir-reġistrazzjoni tal-produtturi msemmija fl-Artikolu 44 ta’ dan ir-Regolament fl-Istat Membru fejn jinsab il-konsumatur u n-numru/numri tar-reġistrazzjoni tal-produttur f'dak ir-reġistru;
|
|
(b)
|
l-awtoċertifikazzjoni mill-produttur li tikkonferma li joffri biss imballaġġ li fir-rigward tiegħu jkun hemm konformità mar-rekwiżiti tar-responsabbiltà estiża tal-produttur imsemmija fil-paragrafi 1, 2 u 3 ta' dan l-Artikolu fl-Istat Membru fejn ikun jinsab il-konsumatur.
|
Meta produttur ibigħ il-prodotti tiegħu permezz ta' suq online, l-obbligi stabbiliti fil-paragrafu 2 ta’ dan l-Artikolu jistgħu, fuq il-bażi ta’ mandat bil-miktub, jiġu ssodisfati mill-fornitur tal-pjattaforma online, f'isem il-produttur.