Artikolu 45 Responsabbiltà estiża tal-produttur

1.   Il-produtturi għandu jkollhom responsabbiltà estiża tal-produttur skont l-iskemi stabbiliti f'konformità mal-Artikoli 8 u 8a tad-Direttiva 2008/98/KE u ma' din it-Taqsima għall-imballaġġ, inkluż l-imballaġġ ta’ prodotti fl-imballaġġ li jqiegħdu għad-dispożizzjoni għall-ewwel darba fit-territorju ta' Stat Membru jew li jispakkjaw mingħajr ma jkunu l-utenti finali.

2.   Minbarra l-kostijiet imsemmija fl-Artikolu 8a(4) il-punt (a), tad-Direttiva 2008/98/KE, il-kontribuzzjonijiet finanzjarji mħallsa mill-produttur għandhom ikopru l-kostijiet li ġejjin:

Il-kostijiet li għandhom jiġu koperti għandhom jiġu stabbiliti b'mod trasparenti, proporzjonat, nondiskriminatorju u effiċjenti.

3.   Produttur imsemmi fl-Artikolu 3(1), punt (15)(c) u (d), għandu jaħtar, b'mandat bil-miktub, rappreżentant awtorizzat għar-responsabbiltà estiża tal-produttur f'kull Stat Membru fejn il-produttur iqiegħed l-imballaġġ jew prodotti fl-imballaġġ għad-dispożizzjoni għall-ewwel darba, għajr l-Istat Membru fejn il-produttur huwa stabbilit. L-Istati Membri jistgħu jipprevedu li l-produtturi stabbiliti f'pajjiżi terzi għandhom jaħtru, b'mandat bil-miktub, rappreżentant awtorizzat għar-responsabbiltà estiża tal-produttur meta jqiegħdu l-imballaġġ jew prodotti fl-imballaġġ għad-dispożizzjoni fit-territorju tagħhom għall-ewwel darba.

4.   Għall-finijiet tal-konformità mal-Artikolu 30(1), il-punti (d) u (e), tar-Regolament (UE) 2022/2065, il-fornituri tal-pjattaformi online li jaqgħu taħt il-kamp ta' applikazzjoni tat-Taqsima 4 tal-Kapitolu III ta’ dak ir-Regolament u li jippermettu lill-konsumaturi jikkonkludu kuntratti mill-bogħod mal-produtturi għandhom jiksbu l-informazzjoni li ġejja mingħand il-produtturi li joffru imballaġġ jew prodotti fl-imballaġġ lill-konsumaturi li jinsabu fl-Unjoni qabel ma jħallu dawk il-produtturi jużaw is-servizzi tagħhom:

Meta produttur ibigħ il-prodotti tiegħu permezz ta' suq online, l-obbligi stabbiliti fil-paragrafu 2 ta’ dan l-Artikolu jistgħu, fuq il-bażi ta’ mandat bil-miktub, jiġu ssodisfati mill-fornitur tal-pjattaforma online, f'isem il-produttur.

5.   L-Istati Membri jistgħu jipprevedu li, meta tkun prevista rikonċiljazzjoni awtomatizzata tad-data mar-reġistru nazzjonali f'dak l-Istat Membru, din għandha tkun applikabbli għall-verifika tal-informazzjoni msemmija fil-paragrafu 4, il-punti (a) u (b).

6.   Malli jirċievi l-informazzjoni msemmija fil-paragrafu 4 u qabel ma jħalli lill-produtturi jużaw is-servizzi tiegħu, il-fornitur tal-pjattaforma online għandu jagħmel ħiltu biex jivvaluta jekk l-informazzjoni riċevuta hijiex kompluta u affidabbli.

7.   Il-produtturi li joffru l-imballaġġ jew prodotti fl-imballaġġ lill-konsumaturi li jinsabu fl-Unjoni għandhom jipprovdu lill-fornituri ta' servizzi ta' eżekuzzjoni l-informazzjoni msemmija fil-paragrafu 4, il-punti (a) u (b), ta’ dan l-Artikolu fil-mument tal-konklużjoni tal-kuntratt bejn il-fornitur ta' servizz ta' eżekuzzjoni u l-produttur għal kwalunkwe servizz imsemmi fl-Artikolu 3, il-punt (11), tar-Regolament (UE) 2019/1020.

8.   Malli jirċievi l-informazzjoni msemmija fil-paragrafu 7 ta’ dan l-Artikolu u fil-mument tal-konklużjoni tal-kuntratt bejn il-fornitur ta' servizz ta' eżekuzzjoni u l-produttur għal kwalunkwe servizz msemmi fl-Artikolu 3, il-punt (11) tar-Regolament (UE) 2019/1020, il-fornitur ta' servizz ta' eżekuzzjoni għandu, permezz tal-użu ta' kwalunkwe bażi tad-data online uffiċjali aċċessibbli liberament jew interfaċċa online magħmula disponibbli minn Stat Membru jew mill-Unjoni jew permezz tal-lista tar-reġistrazzjoni disponibbli għall-pubbliku skont l-Artikolu 44(13) ta' dan ir-Regolament jew talbiet lill-produttur biex jipprovdi dokumenti ta' sostenn minn sorsi affidabbli, jagħmel l-aħjar sforzi biex jivvaluta jekk l-informazzjoni msemmija fil-paragrafu 7 ta' dan l-Artikolu hijiex affidabbli u kompluta. Għall-finijiet ta' dan ir-Regolament, il-produtturi għandhom jinżammu responsabbli għall-akkuratezza tal-informazzjoni pprovduta.

Meta l-fornitur ta' servizz ta' eżekuzzjoni jikseb indikazzjonijiet suffiċjenti jew ikollu raġuni biex jemmen li kwalunkwe oġġett ta' informazzjoni msemmi fil-paragrafu 7 miksub mill-produttur ikkonċernat ma jkunx preċiż, ma jkunx komplut jew ma jkunx aġġornat, dak il-fornitur ta' servizz ta' eżekuzzjoni għandu jitlob lill-produttur jirrimedja dik is-sitwazzjoni mingħajr dewmien żejjed jew fil-perjodu stabbilit mil-liġi tal-Unjoni jew il-liġi nazzjonali, kif applikabbli.

Meta l-produttur jonqos milli jikkoreġi jew jikkompleta dik l-informazzjoni, il-fornitur ta' servizz ta' eżekuzzjoni għandu jissospendi malajr il-forniment tas-servizz tiegħu lil dak il-produttur fir-rigward tal-offerta tal-imballaġġ jew il-prodotti fl-imballaġġ lill-konsumaturi li jinsabu fl-Unjoni sakemm it-talba tkun ġiet issodisfata bis-sħiħ. Il-fornitur ta' servizz ta' eżekuzzjoni għandu jipprovdi lill-produttur bir-raġunijiet għas-sospensjoni.

9.   Mingħajr preġudizzju għall-Artikolu 4 tar-Regolament (UE) 2019/1150 tal-Parlament Ewropew u tal-Kunsill (75), f'każ li fornitur ta' servizz ta' eżekuzzjoni jissospendi l-forniment tas-servizzi tiegħu skont il-paragrafu 8 ta' dan l-Artikolu, il-produttur ikkonċernat għandu jkollu d-dritt li jikkontesta d-deċiżjoni tal-fornitur ta' servizz ta' eżekuzzjoni quddiem qorti fl-Istat Membru fejn ikun stabbilit il-fornitur ta' servizz ta' eżekuzzjoni.