Artikolu 60 Imballaġġ konformi li jippreżenta riskju

1.   Meta, wara li jkun wettaq evalwazzjoni skont l-Artikolu 58, Stat Membru jsib li għalkemm l-imballaġġ ikun konformi mar-rekwiżiti applikabbli fi jew skont l-Artikoli 5 sa 12, xorta waħda jippreżenta riskju għall-ambjent jew għas-saħħa tal-bniedem, huwa għandu, mingħajr dewmien, jeżiġi li l-operatur ekonomiku rilevanti:

2.   Permezz ta' deroga mill-paragrafu 1, meta jkun hemm riskju għas-saħħa tal-bniedem relatat mal-imballaġġ sensittiv għall-kuntatt li jkun soġġett għal liġi speċifika li għandha l-għan li tipproteġi s-saħħa tal-bniedem u dak ir-riskju ġie ttrasferit għall-kontenut fl-imballaġġ tal-materjal tal-imballaġġ, l-awtoritajiet ta' sorveljanza ma għandhomx iwettqu evalwazzjoni marbut mar-riskju għas-saħħa tal-bniedem jew tal-annimali li joriġina mill-materjal tal-imballaġġ. Minflok, huma għandhom javvertu l-awtoritajiet kompetenti għall-kontroll ta' tali riskji,jiġifieri l-awtoritajiet kompetenti msemmija fir-Regolamenti (UE) 2017/625, (UE) 2017/745, (UE) 2017/746 jew (UE) 2019/6 jew fid-Direttiva 2001/83/KE.

3.   L-operatur ekonomiku għandu jiżgura li jittieħdu l-miżuri korrettivi fir-rigward tal-imballaġġ mhux konformi kollu li l-operatur ekonomiku jkun qiegħed għad-dispożizzjoni fis-suq madwar l-Unjoni.

4.   L-Istat Membru għandu jinforma minnufih lill-Kummissjoni u lill-Istati Membri l-oħra bis-sejbiet u bl-azzjonijiet sussegwenti tiegħu skont il-paragrafu 1. Dik l-informazzjoni għandha tinkludi d-dettalji kollha disponibbli, b'mod partikolari d-data meħtieġa għall-identifikazzjoni tal-imballaġġ mhux konformi, tal-oriġini u tal-katina tal-provvista tal-imballaġġ, tan-natura tar-riskju involut u tan-natura u tad-durata tal-miżuri nazzjonali meħuda.

5.   Il-Kummissjoni għandha, mingħajr dewmien, tidħol f'konsultazzjoni mal-Istati Membri u mal-operatur ekonomiku u għandha tevalwa l-miżuri nazzjonali meħuda. Abbażi tar-riżultati ta' dik l-evalwazzjoni, il-Kummissjoni għandha tadotta att ta' implimentazzjoni li jiddetermina jekk il-miżura nazzjonali tkunx ġustifikata, u meta jkun meħtieġ, tipproponi miżuri xierqa.

Dak l-att ta' implimentazzjoni għandu jiġi adottat f'konformità mal-proċedura ta' eżami msemmija fl-Artikolu 65(2).

Minħabba r-raġunijiet imperattivi ta' urġenza debitament ġustifikati marbuta mal-protezzjoni tal-ambjent jew tas-saħħa tal-bniedem, il-Kummissjoni għandha tadotta att ta' implimentazzjoni applikabbli minnufih f'konformità mal-proċedura msemmija fl-Artikolu 65(3).

Il-Kummissjoni għandha tindirizza l-att ta’ implimentazzjoni imsemmi f’dan il-paragrafu lill-Istati Membri kollha u għandha tikkomunikaha minnufih lilhom u lill-operatur ekonomiku rilevanti.