Artikolu 63 Akkwist pubbliku ekoloġiku

1.   Sabiex jiġu inċentivati l-provvista u d-domanda għal imballaġġ ambjentalment sostenibbli, il-Kummissjoni għandha tadotta, sat-12 ta’ Frar 2030, atti ta' implimentazzjoni li jispeċifikaw rekwiżiti obbligatorji minimi għal kuntratti pubbliċi fil-kamp ta' applikazzjoni tad-Direttiva 2014/24/UE għal imballaġġ jew prodotti fl-imballaġġ jew għal servizzi li jużaw imballaġġ jew prodotti fl-imballaġġ jew id-Direttiva 2014/25/UE, u mogħtija mill-awtoritajiet kontraenti, kif definiti fl-Artikolu 2(1) tad-Direttiva 2014/24/UE jew fl-Artikolu 3(1) tad-Direttiva 2014/25/UE, jew l-entitajiet kontraenti, kif definiti fl-Artikolu 4(1) tad-Direttiva 2014/25/UE, li fihom l-imballaġġ jew il-prodotti fl-imballaġġ jirrappreżentaw iktar minn 30 % tal-istima tal-valur tal-kuntratt jew tal-valur tal-prodotti użati mis-servizzi li huma l-oġġett tal-kuntratt. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 65(2) ta' dan ir-Regolament.

2.   Ir-rekwiżiti stipulati fl-atti ta' implimentazzjoni adottati skont il-paragrafu 1 għandhom japplikaw għal proċeduri għall-għoti ta' kuntratti pubbliċi msemmija f'dak il-paragrafu li nbdew 12-il xahar jew aktar tard mid-data tad-dħul fis-seħħ tal-att ta' implimentazzjoni kkonċernat.

3.   Ir-rekwiżiti obbligatorji minimi dwar l-akkwist pubbliku ekoloġiku għandhom ikunu bbażati fuq ir-rekwiżiti stabbiliti jew imsemmija fl-Artikoli 5 sa 11 u fuq l-elementi li ġejjin:

4.   Ir-rekwiżiti minimi obbligatorji għall-akkwist pubbliku ekoloġiku jistgħu jieħdu l-forma ta':

Dawk ir-rekwiżiti minimi obbligatorji għall-akkwist pubbliku ekoloġiku għandhom jiġu żviluppati f'konformità mal-prinċipji li jinsabu fid-Direttivi 2014/24/UE u 2014/25/UE biex tiġi ffaċilitata l-kisba tal-objettivi ta' dan ir-Regolament.

5.   L-awtoritajiet kontraenti u l-entitajiet kontraenti msemmija fil-paragrafu 1 jistgħu, f'każijiet debitament ġustifikati, jidderogaw mir-rekwiżiti stabbiliti fl-atti ta' implimentazzjoni adottati skont il-paragrafu 1 għal raġunijiet ta' sigurtà pubblika jew saħħa pubblika. L-awtoritajiet kontraenti u l-entitajiet kontraenti jistgħu wkoll, f'każijiet debitament ġustifikati, jidderogaw minn dawk ir-rekwiżiti, jekk dawn iwasslu għal diffikultajiet tekniċi li ma jistgħux jiġu riżolti.