Artikolu 68 Penali

1.   Sat-12 ta’ Frar 2027, l-Istati Membri għandhom jistabbilixxu r-regoli dwar penali applikabbli għal ksur ta' dan ir-Regolament u għandhom jieħdu l-miżuri kollha meħtieġa sabiex jiżguraw li jiġu implimentati. Il-penali previsti għandhom ikunu effettivi, proporzjonati u dissważivi.

2.   Il-penali għan-nuqqas ta’ konformità mal-Artikoli 24 sa 29 għandhom jinkludu multi amministrattivi. Meta s-sistema legali tal-Istat Membru ma tipprevedix multi amministrattivi, dan il-paragrafu jista' jiġi applikat b'tali mod li l-proċedura tal-immultar tinbeda mill-awtorità rilevanti u li dik il-multa tiġi imposta mill-qrati nazzjonali kompetenti, filwaqt li jiġi żgurat li dawk ir-rimedji legali jkunu effettivi u jkollhom effett ekwivalenti għall-multi amministrattivi msemmija f'dan il-paragrafu. Fi kwalunkwe każ, il-multi imposti għandhom ikunu effettivi, proporzjonati u dissważivi.

3.   L-Istati Membri għandhom, sat-12 ta’ Frar 2027 jinnotifikaw lill-Kummissjoni bir-regoli u l-miżuri msemmija fil-paragrafi 1 u 2 u għandhom jinnotifikawha, mingħajr dewmien, bi kwalunkwe emenda sussegwenti li tolqothom.