1. Kull Stat Membru għandu jiddeżinja awtorità tas-saħħa diġitali responsabbli waħda jew aktar għall-implimentazzjoni u l-infurzar ta’ dan il-Kapitolu fil-livell nazzjonali. L-Istati Membri għandhom jinformaw lill-Kummissjoni bl-identità tal-awtoritajiet tas-saħħa diġitali sas-26 ta’ Marzu 2027. Meta Stat Membru jiddeżinja aktar minn awtorità tas-saħħa diġitali waħda jew meta l-awtorità tas-saħħa diġitali tikkonsisti minn diversi organizzazzjonijiet, l-Istat Membru kkonċernat għandu jikkomunika lill-Kummissjoni deskrizzjoni tad-distribuzzjoni tal-kompiti bejn dawk l-awtoritajiet jew organizazzjonijiet. Meta Stat Membru jiddeżinja diversi awtoritajiet tas-saħħa diġitali, huwa għandu jiddeżinja awtorità tas-saħħa diġitali waħdabiex taġixxi bħala koordinatur. Il-Kummissjoni għandha tagħmel dik l-informazzjoni disponibbli pubblikament.