Artikolu 19 Awtoritajiet tas-saħħa diġitali

(a)

tiżgura l-implimentazzjoni tad-drittijiet u l-obbligi previsti f’dan il-Kapitolu u fil-Kapitolu III billi tadotta s-soluzzjonijiet tekniċi nazzjonali, reġjonali jew lokali meħtieġa u billi tistabbilixxi regoli u mekkaniżmi rilevanti;

(b)

tiżgura li informazzjoni kompluta u aġġornata dwar l-implimentazzjoni tad-drittijiet u l-obbligi previsti f’dan il-Kapitolu u fil-Kapitolu III tkun disponibbli faċilment għall-persuni fiżiċi, għall-professjonisti tas-saħħa u għall-fornituri tal-kura tas-saħħa;

(c)

tinforza l-konformità tas-soluzzjonijiet tekniċi msemmija fil-punt (a) ta’ dan il-paragrafu, filwaqt bli jiġi żgurat li tali soluzzjonijiet tekniċi jikkonformaw ma’ dan il-Kapitolu, il-Kapitolu III u l-Anness II.

(d)

tikkontribwixxi fil-livell tal-Unjoni għall-iżvilupp ta’ soluzzjonijiet tekniċi li jippermettu lill-persuni fiżiċi u lill-professjonisti tas-saħħa li jeżerċitaw id-drittijiet u li jikkonformaw mal-obbligi tagħhom stabbiliti f’dan il-Kapitolu;

(e)

tiffaċilita l-eżerċitar tad-drittijiet skont dan il-Kapitolu għall-persuni b’diżabbiltà f’konformità mad-Direttiva (UE) 2019/882 tal-Parlament Ewropew u tal-Kunsill (31);

(f)

tissorvelja l-punti ta’ kuntatt nazzjonali għas-saħħa diġitali u tikkoopera ma’ awtoritajiet oħra tas-saħħa diġitali u mal-Kummissjoni dwar l-iżvilupp ulterjuri ta’ Saħħti@UE (MyHealth@EU);

(g)

tiżgura l-implimentazzjoni, fil-livell nazzjonali, tal-format Ewropew għall-iskambju tar-rekords elettroniċi tas-saħħa, f’kooperazzjoni mal-awtoritajiet nazzjonali u mal-partijiet ikkonċernati;

(h)

tikkontribwixxi fil-livell tal-Unjoni għall-iżvilupp tal-format Ewropew għall-iskambju tar-rekords elettroniċi tas-saħħa għat-tfassil ta’ speċifikazzjonijiet komuni, f’konformità mal-Artikolu 36, li jindirizzaw il-kwalità, it-tħassib dwar l-interoperabbiltà, is-sigurtà, is-sikurezza, il-faċilità tal-użu, l-aċċessibbiltà, in-nondiskriminazzjoni jew it-tħassib dwar id-drittijiet fundamentali, u għat-tfassiltal-ispeċifikazzjonijiet tal-bażi tad-data tal-UE għar-reġistrazzjoni tas-sistemi ta’ EHR u l-applikazzjonijiet tal-benessri msemmija fl-Artikolu 49;

(i)

meta applikabbli, twettaq attivitajiet ta’ sorveljanza tas-suq f’konformità mal-Artikolu 43, filwaqt li tiżgura li jiġi evitat kwalunkwe kunflitt ta’ interess;

(j)

tibni l-kapaċità nazzjonali għall-implimentazzjoni tar-rekwiżiti rigward l-interoperabbiltà u s-sigurtà tad-data elettronika dwar is-saħħa għall-użu primarju u tipparteċipa fl-iskambji ta’ informazzjoni u fl-attivitajiet ta’ bini tal-kapaċità fil-livell tal-Unjoni;

(k)

tikkoopera mal-awtoritajiet tas-sorveljanza tas-suq, tipparteċipa fl-attivitajiet relatati mal-immaniġġjar tar-riskji ppreżentati mis-sistemi ta’ EHR u ta’ inċidenti serji u tissorvelja l-implimentazzjoni ta’ azzjoni korrettiva f’konformità mal-Artikolu 44;

(l)

tikkoopera ma’ entitajiet u korpi rilevanti oħra fil-livell lokali, reġjonali, nazzjonali jew tal-Unjoni, biex jiġu żgurati l-interoperabbiltà, il-portabbiltà u s-sigurtà tad-data elettronika dwar is-saħħa;

(m)

tikkoopera mal-awtoritajiet superviżorji f’konformità mar-Regolamenti (UE) Nru 910/2014 u, (UE) 2016/679 u -Direttiva (UE) 2022/2555 (32) tal-Parlament Ewropew u tal-Kunsill u ma’ awtoritajiet rilevanti oħra, inklużi dawk kompetenti għaċ-ċibersigurtà u għall-identifikazzjoni elettronika.