Artikolu 11 Riskju tal-kreditu

1.   Operatur ta’ SIPS għandu jistabbilixxi qafas b’saħħtu biex ikejjel, iżomm monitoraġġ u jiġġestixxi l-iskoperturi ta’ kreditu tiegħu fost parteċipanti li jirriżultaw mill-ħlas ta’ SIPS, u l-proċessi tal-ikklerjar u tas-saldu.

2.   Operatur ta’ SIPS għandu jidentifika s-sorsi kollha tar-riskju ta’ kreditu. Il-kejl u l-monitoraġġ tal-iskoperturi ta’ kreditu għandhom iseħħu matul il-jum, bl-użu ta’ informazzjoni fil-ħin u għodod xierqa għall-ġestjoni tar-riskju.

3.   Fil-każ ta’ sistema DNS, l-operatur ta’ SIPS għandu jiżgura li:

4.   Operatur ta’ SIPS, inkluż wieħed li jopera sistema tad-DNS b’garanzija għas-saldu, li matul l-operazzjonijiet tas-SIPS jinkorri skopertura ta’ kreditu vis-à-vis l-parteċipanti tas-SIPS, għandu jkopri skopertura ta’ kreditu għal kull parteċipant bl-użu ta’ kollateral, fondi ta’ garanzija, ekwità (wara tnaqqis tal-ammont dedikat li jkopri riskju ta’ negozju ġenerali) jew riżorsi finanzjarji ekwivalenti oħra.

5.   Operatur ta’ SIPS, inkluż ta’ sistema tad-DNS mingħajr garanzija tas-saldu, imma fejn parteċipanti tas-SIPS jiffaċċjaw skoperturi ta’ kreditu li jinħolqu mill-ħlas, il-proċessi tal-ikklerjar u tas-saldu tas-SIPS, għandu jkollu stabbiliti regoli jew arranġamenti kuntrattwali ma’ dawn il-parteċipanti. Ir-regoli u l-arranġamenti kuntrattwali għandhom jiżguraw li l-parteċipanti jipprovdu riżorsi suffiċjenti, kif imsemmi fil-paragrafu 4, biex ikopru skoperturi ta’ kreditu li jirriżultaw mill-ħlas, il-proċessi tal-ikklerjar u tas-saldu tas-SIPS fir-rigward taż-żewġ parteċipanti li, flimkien mal-affiljati tagħhom, għandhom l-ikbar skopertura ta’ riskju aggregat.

6.   Operatur ta’ SIPS għandu jistabbilixxi regoli u proċeduri biex jindirizzaw telf li direttament jirriżulta minn inadempjenzi minn wieħed jew iktar parteċipanti dwar l-obbligazzjonijiet tagħhom lis-SIPS. Dawn ir-regoli u proċeduri għandhom jindirizzaw l-allokazzjoni ta’ telf potenzjali li mhuwiex kopert, inkluż il-ħlas lura ta’ kwalunkwe fondi li operatur ta’ SIPS jista’ jissellef minn fornituri ta’ likwidità. Huma għandhom jinkludu r-regoli u l-proċeduri tal-operatur ta’ SIPS dwar il-forniment mill-ġdid ta’ kwalunkwe riżorsi finanzjarji użati mis-SIPS waqt każ ta’ stress, sal-livell stipulat f’paragrafi 4 u 5.