Artikolu 12 Kollateral

1.   Operatur ta’ SIPS għandu jaċċetta biss dan l-attiv li ġej bħala kollateral:

Fit-twettiq tal-valutazzjoni interna tal-punti (i) sa (vi), l-operatur ta’ SIPS għandu jiddefinixxi, jiddokumenta u japplika metodoloġija oġġettiva.

2.   Operatur ta’ SIPS għandu jistabilixxi u jimplimenta politiki u proċeduri li jżommu monitoraġġ tal-kwalità ta’ kreditu, il-likwidità tas-suq u l-volatilità tal-prezz ta’ kull attiv aċċettat bħala kollateral. Operatur ta’ SIPS għandu jżomm monitoraġġ fuq bażi regolari, u mill-inqas darba fis-sena, tal-adegwatezza tal-politiki u l-proċeduri ta’ valutazzjoni tagħha. Din ir-reviżjoni għandha titwettaq ukoll kull darba li sseħħ xi bidla materjali li taffettwa l-iskopertura għar-riskju tas-SIPS. Operatur ta’ SIPS għandu jipprezza l-kollateral tiegħu skont is-suq mill-inqas darba kuljum.

3.   Operatur ta’ SIPS għandu jistabbilixxi haircuts impost stabbli u konservattiv u jittestjahom mill-inqas darba fis-sena u jieħu kont tal-kundizzjonijiet estremi tas-suq. Proċeduri ta’ haircut għandhom jiġu vvalidati minn persunal li mhux dak li ħoloq jew applika l-proċeduri ta’ haircut mill-inqas darba fis-sena.

4.   Operatur ta’ SIPS għandu jieħu miżuri biex jiġi evitat li investimenti kkonċentrati ta’ ċertu attiv fejn dan ixekkel b’mod sinifikanti l-abbiltà li dan l-attiv jiġi likwidat malajr mingħajr effetti negattivi sinifikanti.

5.   Operatur ta’ SIPS li jaċċetta kollateral transkonfinali għandu jidentifika u jimmitiga ir-riskji assoċjati mal-użu tiegħu u jiżgura li l-kollateral transkonfinali jista’ jintuża fil-ħin.

6.   Operatur ta’ SIPS għandu juża sistema effettiva u operazzjonalment flessibbli ta’ ġestjoni tal-kollateral.

7.   Il-paragrafu 1 m’għandux japplika għas-SIPS tal-Eurosistema.