Artikolu 27 Żvelar tar-regoli, proċeduri ewlenin u data tas-suq

1.   Operatur ta’ SIPS għandu jadotta regoli u proċeduri ċari u komprensivi li huma żvelati b’mod sħiħ lill-parteċipanti. Ir-regoli u l-proċeduri ewlenin rilevanti għandhom jiġu żvelati pubblikament ukoll.

2.   Operatur ta’ SIPS għandu jiżvela deskrizzjonijiet ċari tal-operazzjonijiet u d-disinn tas-sistema, kif ukoll id-drittijiet u l-obbligi tal-operatur ta’ SIPS, sabiex il-parteċipanti jistgħu jevalwaw ir-riskji li jġarrbu billi jipparteċipaw fis-SIPS.

3.   Operatur ta’ SIPS għandu jipprovdi d-dokumentazzjoni u t-taħriġ meħtieġ u xieraq biex jiffaċilita il-fehim tal-parteċipanti tar-regoli u l-proċeduri tas-SIPS u r-riskji li jiffaċċjaw billi jipparteċipaw fis-SIPS.

4.   Operatur ta’ SIPS għandu jiżvela pubblikament ir-rati ta’ ħlas fil-livell tas-servizzi individwali li toffri kif ukoll fil-politiki ta’ skont tiegħu. L-operatur ta’ SIPS għandu jipprovdi deskrizzjonijiet ċari tas-servizzi ipprezzati għall-finijiet ta’ komparabbiltà.

5.   Operatur ta’ SIPS għandu jlesti u jiżvela pubblikament ir-risposti għall-qafas tal-Iżvelar tas-CPSS-IOSCO għall-infrastrutturi tas-suq finanzjarju. Huwa għandu jaġġorna r-risposti tiegħu wara tibdiliet materjali lis-sistema jew l-ambjent tagħha, imma mill-inqas kull sentejn. Operatur ta’ SIPS għandu wkoll, mill-inqas, jiżvela d-data bażika dwar it-tranżazzjoni tal-volumi u tal-valuri.