Artikolu 29 Setgħat ta’ awtorità kompetenti

(a)

tikseb, fi kwalunkwe ħin, minn operatur ta’ SIPS l-informazzjoni u d-dokumenti kollha meħtieġa għall-valutazzjoni tal-konformità mar-rekwiżiti taħt dan ir-Regolament jew li tippromwovi l-operat bla xkiel ta’ sistemi ta’ ħlas f’livell sistemiku. L-operatur ta’ SIPS għandu jirrapporta l-informazzjoni rilevanti lill-awtorità kompetenti mingħajr dewmien żejjed;

(b)

teħtieġ li operatur ta’ SIPS jaħtar espert indipendenti biex jagħmel investigazzjoni jew reviżjoni indipendenti dwar l-operazzjoni tas-SIPS. L-awtorità kompetenti tista’ timponi rekwiżiti dwar it-tip ta’ espert li għandu jinħatar, il-kontenut u l-ambitu tar-rapport li għandu jiġi prodott, it-trattament tar-rapport, inklużi l-iżvelar u l-pubblikazzjoni ta’ ċerti elementi, u l-ħin għall-produzzjoni tar-rapport. Operatur ta’ SIPS għandu jinforma lill-awtorità kompetenti kif ir-rekwiżiti imposti ġew issodisfatti;

(c)

jagħmel spezzjoni fil-post jew jiddelega t-twettiq ta’ spezzjonijiet fil-post. Fejn ikunu meħtieġa l-aġir xieraq u l-effiċjenza ta’ spezzjoni, l-awtorità kompetenti tista’ tagħmilha mingħajr preavviż.