Artikolu 32 Miżuri korrettivi

1.   Fejn operatur ta’ SIPS ma jkunx ikkonforma ma’ dan ir-Regolament jew fejn ikun hemm raġunijiet raġonevoli biex wieħed jissuspetta li operatur ta’ SIPS ma kkonformax ma’ dan ir-Regolament, l-awtorità kompetenti tista’ tibda proċedura biex timponi miżura korrettiva, f’liema każ, l-awtorità kompetenti għandha:

2.   Abbażi tal-informazzjoni pprovduta minn operatur ta’ SIPS, l-awtorità kompetenti tista’ timponi miżuri korrettivi fuq l-operatur tas-SIPS sabiex jirrimedja n-nuqqas ta’ konformità u/jew jevita li jirrepetih. Meta l-operatur ta’ SIPS ikun fergħa, il-miżuri korrettivi għandhom jiġu imposti fuq il-fergħa.

3.   L-awtorità kompetenti tista’ timponi miżuri korrettivi immedjatament kif tidentifika li n-nuqqas ta’ konformità huwa serju biżżejjed li jirrikjedi azzjoni immedjata. Għandha tipprovdi raġunijiet għad-deċiżjoni tagħha.

4.   Awtorità kompetenti li ma tkunx il-BĊE għandha tinforma lill-BĊE bl-intenzjoni tagħha li timponi miżuri korrettivi fuq operatur ta’ SIPS mingħajr dewmien bla bżonn.

5.   Miżuri korrettivi jistgħu jiġu imposti indipendentement jew b’mod parallel mas-sanzjonijiet imposti taħt ir-Regolament tal-Kunsill (KE) Nru 2532/98 (15).

6.   Ir-regoli u l-proċedura previsti fid-Deċiżjoni (UE) 2017/2098 tal-Bank Ċentrali Ewropew (ECB/2017/33) (16) għandhom japplikaw għall-impożizzjoni tal-miżuri korrettivi skont dan l-Artikolu.