Artikolu 17 Formati standard

1.   Mingħajr preġudizzju għad-dispożizzjonijiet tal-Unjoni dwar l-iżvilupp jew it-tqegħid għad-dispożizzjoni ta’ formati tad-data, il-Kummissjoni u l-Aġenziji għandhom, fejn ikun rilevanti, jistabbilixxu formati standard u pakketti tas-software għad-data msemmija fl-Artikolu 3(2) u (3) li taqa’ taħt il-mandat tagħhom u jagħmluhom disponibbli mingħajr ħlas permezz tal-pjattaforma komuni tad-data.

2.   Il-formati standard għandhom, sa fejn ikun possibbli:

3.   Il-formati standard għandhom ikunu interoperabbli mal-pjattaforma komuni tad-data u faċli għall-utent.

4.   L-Awtoritajiet jew l-aġenziji nazzjonali għandhom jiskambjaw id-data li tinsab fil-pjattaforma komuni tad-data fil-format standard rilevanti.

5.   Il-Kummissjoni u l-Aġenziji għandhom jużaw il-format tal-Bażi tad-data Internazzjonali għall-Informazzjoni Kimika Uniformi (IUCLID) biex jagħmlu l-partijiet rilevanti tad-dossiers skont l-atti legali tal-Unjoni li ġejjin disponibbli għall-ECHA biex jiġu inkorporati fil-pjattaforma komuni tad-data:

6.   Il-Kummissjoni u l-Aġenziji għandhom jikkooperaw meta jistabbilixxu formati standard biex jiżguraw li huma konsistenti ma’ formati rilevanti oħra u li huma interoperabbli mal-pjattaforma komuni tad-data u mal-proċeduri eżistenti għas-sottomissjoni tad-data.

7.   Il-Kummissjoni u l-Aġenziji għandhom jieħdu l-miżuri meħtieġa u xierqa biex jimmonitorjaw u jidentifikaw fi stadju bikri kwalunkwe diverġenza potenzjali bejn il-formati tad-data li tista’ tikkawża problemi ta’ interoperabbiltà. Jekk tiġi identifikata diverġenza bejn il-formati tad-data, l-Aġenziji kkonċernati għandhom jikkooperaw biex isolvuha jew, fejn id-diverġenza tkun ġustifikata, jispjegaw ir-raġunijiet sottostanti. Fejn l-Aġenziji kkonċernati ma jkunux jistgħu jsolvu d-diverġenza, huma għandhom ifasslu rapport konġunt u jippreżentawh lill-Kummissjoni. Ir-rapport għandu jiddeskrivi b’mod ċar ir-raġunijiet għad-diverġenza, jiċċara kwalunkwe kwistjoni teknika sottostanti u jagħmel proposta biex tiġi solvuta d-diverġenza.

8.   Il-Kummissjoni għandha tadotta att ta’ implimentazzjoni biex issolvi d-diverġenza msemmija fil-paragrafu 7.