Artikolu 22 Sistema ta’ twissija u ta’ azzjoni bikrija għal riskji kimiċi emerġenti

1.   Sat-2 ta’ Jannar 2027, l-EEA għandha tistabbilixxi sistema ta’ twissija bikrija tal-Unjoni għal riskji kimiċi emerġenti, li għandha tiġi ġestita minnha.

2.   Għall-finijiet tal-paragrafu 1, l-EEA għandha tikkompila data dwar sinjali ta’ twissija bikrija, li għandhom jinkludu tal-anqas is-sinjali:

Is-sinjali ta’ twissija bikrija kkompilati mill-EEA skont l-ewwel subparagrafu jistgħu jkunu bbażati fuq identifikazzjoni pożittiva ta’ riskju emerġenti jew fuq inċertezza fid-data li twassal għal identifikazzjoni pożittiva potenzjali ta’ riskju emerġenti.

3.   L-ECHA, l-EFSA, EU-OSHA u l-EMA għandhom jidentifikaw u jiġbru d-data rilevanti disponibbli dwar is-sinjali ta’ twissija bikrija mill-oqsma li jaqgħu taħt il-mandati rispettivi tagħhom, u jipprovdu dik id-data lill-EEA, inkluża d-data miksuba skont dan ir-Regolament.

4.   L-EEA għandha tfassal rapport annwali, li jikkompila u janalizza d-data dwar is-sinjali ta’ twissija bikrija miġbura f’konformità mal-paragrafi 2 u 3. L-ewwel rapport għandu jitħejja sat-2 ta’ Lulju 2027. L-EEA għandha tippreżenta dak ir-rapport lill-Awtoritajiet. Fi żmien disa’ xhur mill-preżentazzjoni ta’ kull rapport annwali, l-Awtoritajiet għandhom jikkunsidraw li jieħdu azzjonijiet regolatorji, ta’ politika jew ta’ infurzar kif xieraq, u jipprovdu ġustifikazzjoni jekk jiddeċiedu li ma jipproċedux b’azzjoni.

5.   L-EEA għandha tagħmel id-data kollha dwar is-sinjali ta’ twissija bikrija li jkollha jew li tospita, kif ukoll ir-rapport imsemmi fil-paragrafu 4, disponibbli għall-ECHA biex jiġu inkorporati fil-pjattaforma komuni tad-data.