Airteagal 22 Córas luathrabhaidh agus gníomhaíochta le haghaidh rioscaí ceimiceacha atá ag teacht chun cinn

1.   Faoin 2 Eanáir 2027, déanfaidh EEA córas luathrabhaidh de chuid an Aontais maidir le rioscaí ceimiceacha atá ag teacht chun cinn a bhunú, agus déanfaidh sé bainistiú air.

2.   Chun críocha mhír 1, déanfaidh EEA sonraí faoi chomharthaí luathrabhaidh a chur i dtoll a chéile, ina n-áireofar comharthaí ón méid seo a leanas ar a laghad:

Féadfaidh na comharthaí luathrabhaidh arna gcur i dtoll a chéile ag EEA de bhun na chéad fhomhíre a bheith bunaithe ar shainaithint dearfach de riosca atá ag teacht chun cinn nó ar neamhchinnteacht sna sonraí a bhféadfaí riosca atá ag teacht chun cinn a shainaithint dá thoradh.

3.   Sainaithneoidh agus baileoidh ECHA, EFSA, EU-OSHA agus EMA sonraí ábhartha atá ar fáil maidir le comharthaí luathrabhaidh ó na réimsí a thagann faoina sainordú faoi seach agus na sonraí sin a sholáthar do EEA, lena n-áirítear sonraí a fuarthas de bhun an Rialacháin seo.

4.   Tarraingeoidh EEA suas tuarascáil bhliantúil, ina ndéanfar sonraí a chur i dtoll a chéile agus a anailísiú maidir le comharthaí luathrabhaidh i gcomhréir le míreanna 2 agus 3. Ullmhófar an chéad tuarascáil faoin 2 Iúil 2027. Cuirfidh EEA an tuarascáil sin i láthair do na hÚdaráis. Laistigh de 9 mí ó chur i láthair gach tuarascála bliantúla, déanfaidh na hÚdaráis machnamh ar thabhairt faoi ghníomhartha rialála, beartais nó forfheidhmithe dá réir, agus tabharfaidh siad réasúnú má chineann siad gan leanúint ar aghaidh le haon ghníomh.

5.   Cuirfidh EEA na sonraí uile maidir le comharthaí luathrabhaidh atá ina sheilbh aige nó a óstálann sé chomh maith leis an tuarascáil dá dtagraítear i mír 4 ar fáil do ECHA lena n-ionchorprú san ardán sonraí comhchoiteann.