Artikolu 5 Miżuri speċifiċi

1.   Fornitur ta’ servizzi ta’ hosting espost għal kontenut terroristiku kif imsemmi fil-paragrafu 4 għandu, fejn applikabbli, jinkludi fit-termini u l-kondizzjonijiet tiegħu, u japplika, dispożizzjonijiet biex jindirizza l-użu ħażin tas-servizzi tiegħu għall-fini tad-disseminazzjoni ta’ kontenut terroristiku lill-pubbliku.

Dan għandu jagħmlu b’mod diliġenti, proporzjonat u nondiskriminatorju, b’kunsiderazzjoni debita, f’kull ċirkostanza, għad-drittijiet fundamentali tal-utenti u b’kont meħud, partikolarment, tal-importanza fundamentali tal-libertà ta’ espressjoni u ta’ informazzjoni f’soċjetà miftuħa u demokratika, bil-ħsieb li tkun evitata t-tneħħija ta’ materjal li ma jkunx kontenut terroristiku.

2.   Fornitur ta’ servizzi ta’ hosting li jkun espost għal kontenut terroristiku kif imsemmi fil-paragrafu 4, għandu jieħu miżuri speċifiċi biex jipproteġi s-servizzi tiegħu mid-disseminazzjoni ta’ kontenut terroristiku lill-pubbliku.

Id-deċiżjoni dwar l-għażla tal-miżuri speċifiċi għandha tibqa’ f’idejn il-fornitur ta’ servizzi ta’ hosting. Tali miżuri jistgħu jinkludu waħda jew aktar minn dawn li ġejjin:

3.   Il-miżuri speċifiċi għandhom jissodisfaw ir-rekwiżiti kollha li ġejjin:

Fejn il-miżuri speċifiċi jinvolvu l-użu ta’ miżuri tekniċi, għandhom jiġu pprovduti salvagwardji adatti u effettivi, b’mod partikolari permezz ta’ sorveljanza u verifika mill-bniedem, biex tiġi żgurata l-akkuratezza u tiġi evitata t-tneħħija ta’ materjal li ma jkunx kontenut terroristiku.

4.   Fornitur ta’ servizzi ta’ hosting ikun espost għal kontenut terroristiku fejn l-awtorità kompetenti tal-Istat Membru tal-istabbiliment prinċipali tiegħu jew fejn ir-rappreżentant legali tiegħu jirrisjedi jew ikun stabbilit tkun:

5.   Wara li jkun irċieva deċiżjoni kif imsemmi fil-paragrafu 4 jew, fejn rilevanti, fil-paragrafu 6, fornitur ta’ servizzi ta’ hosting għandu jirrapporta lill-awtorità kompetenti dwar il-miżuri speċifiċi li huwa jkun ħa u li biħsiebu jieħu sabiex jikkonforma mal-paragrafi 2 u 3. Huwa għandu jagħmel dan fi żmien tliet xhur minn meta jirċievi d-deċiżjoni u fuq bażi annwali minn dakinhar ’il quddiem. Dak l-obbligu jieqaf ladarba l-awtorità kompetenti tkun iddeċidiet, fuq talba skont il-paragrafu 7, li l-fornitur ta’ servizzi ta’ hosting ma jkunx għadu espost għal kontenut terroristiku.

6.   Fejn, abbażi tar-rapporti msemmija fil-paragrafu 5 u, fejn rilevanti, abbażi ta’ kwalunkwe fattur oġġettiv ieħor, l-awtorità kompetenti tqis li l-miżuri speċifiċi meħuda ma jikkonformawx mal-paragrafi 2 u 3, dik l-awtorità kompetenti għandha tindirizza deċiżjoni lill-fornitur ta’ servizzi ta’ hosting fejn tesiġi li huwa jieħu l-miżuri meħtieġa sabiex jiżgura l-konformità mal-paragrafi 2 u 3.

Il-fornitur ta’ servizzi ta’ hosting jista’ jagħżel it-tip ta’ miżuri speċifiċi li jieħu.

7.   Fornitur ta’ servizzi ta’ hosting jista’, fi kwalunkwe mument, jitlob lill-awtorità kompetenti biex tirrieżamina u, fejn xieraq, temenda jew tirrevoka deċiżjoni kif imsemmija fil-paragrafu 4 jew 6.

L-awtorità kompetenti għandha, fi żmien tliet xhur minn meta tirċievi t-talba, tadotta deċiżjoni motivata dwar it-talba abbażi ta’ fatturi oġġettivi u tinnotifika lill-fornitur ta’ servizzi ta’ hosting dwar dik id-deċiżjoni.

8.   Kwalunkwe rekwiżit biex jittieħdu miżuri speċifiċi għandu jkun mingħajr preġudizzju għall-Artikolu 15(1) tad-Direttiva 2000/31/KE u ma għandu jinvolvi la obbligu ġenerali għall-fornituri ta’ servizzi ta’ hosting li jimmonitorjaw l-informazzjoni li huma jittrażmettu jew jaħżnu, u lanqas obbligu ġenerali li jfittxu attivament fatti jew ċirkostanzi li jindikaw attività illegali.

Kwalunkwe rekwiżit biex jittieħdu miżuri speċifiċi ma għandux jinkludi l-obbligu li jintużaw għodod awtomatizzati mill-fornitur ta’ servizzi ta’ hosting.