1. Fornitur ta’ servizzi ta’ hosting espost għal kontenut terroristiku kif imsemmi fil-paragrafu 4 għandu, fejn applikabbli, jinkludi fit-termini u l-kondizzjonijiet tiegħu, u japplika, dispożizzjonijiet biex jindirizza l-użu ħażin tas-servizzi tiegħu għall-fini tad-disseminazzjoni ta’ kontenut terroristiku lill-pubbliku.
Dan għandu jagħmlu b’mod diliġenti, proporzjonat u nondiskriminatorju, b’kunsiderazzjoni debita, f’kull ċirkostanza, għad-drittijiet fundamentali tal-utenti u b’kont meħud, partikolarment, tal-importanza fundamentali tal-libertà ta’ espressjoni u ta’ informazzjoni f’soċjetà miftuħa u demokratika, bil-ħsieb li tkun evitata t-tneħħija ta’ materjal li ma jkunx kontenut terroristiku.