Artikolu 9 Rimedji

1.   Il-fornituri ta’ servizzi ta’ hosting li rċevew ordni ta’ tneħħija maħruġa skont l-Artikolu 3(1) jew deċiżjoni taħt l-Artikolu 4(4) jew taħt l-Artikolu 5(4), (6) jew (7) għandhom dritt għal rimedju effettiv. Dak id-dritt għandu jinkludi d-dritt li jikkontestaw tali ordni ta’ tneħħija quddiem il-qrati tal-Istat Membru tal-awtorità kompetenti li ħarġet l-ordni ta’ tneħħija u d-dritt li jikkontestaw id-deċiżjoni taħt l-Artikolu 4(4) jew taħt l-Artikolu 5(4), (6) jew (7) quddiem il-qrati tal-Istat Membru tal-awtorità kompetenti li ħadet id-deċiżjoni.

2.   Il-fornituri ta’ kontenut li l-kontenut tagħhom ikun tneħħa jew li l-aċċess għalih ikun ġie diżattivat wara ordni ta’ tneħħija għandhom id-dritt għal rimedju effettiv. Dak id-dritt jinkludi d-dritt li jikkontestaw ordni ta’ tneħħija maħruġa taħt l-Artikolu 3(1) quddiem il-qrati tal-Istat Membru tal-awtorità kompetenti li ħarġet l-ordni ta’ tneħħija u d-dritt li jikkontestaw deċiżjoni taħt l-Artikolu 4(4) quddiem il-qrati tal-Istat Membru tal-awtorità kompetenti li ħadet id-deċiżjoni.

3.   L-Istati Membri għandhom jistabbilixxu proċeduri effettivi għall-eżerċizzju tad-drittijiet imsemmija f’dan l-Artikolu.