5. L-awtorità kompetenti għandha tindirizza l-ordni ta’ tneħħija lill-istabbiliment prinċipali tal-fornitur ta’ servizzi ta’ hosting jew lir-rappreżentant legali tiegħu maħtur skont l-Artikolu 17.
Dik l-awtorità kompetenti għandha tibgħat l-ordni ta’ tneħħija lill-punt ta’ kuntatt imsemmi fl-Artikolu 15(1) b’mezz elettroniku li jkun kapaċi jipproduċi rekord bil-miktub taħt kondizzjonijiet li jippermettu li tiġi stabbilita l-awtentikazzjoni tal-mittent, inkluża l-akkuratezza tad-data u l-ħin meta ntbagħtet u meta tasal l-ordni.