+Artikolu 46 Obbligi fuq l-esportaturi
---+Artikolu 46 1.
---+Artikolu 46 2.
---+Artikolu 46 3.
---+Artikolu 46 4.
---+Artikolu 46 5.
---+Artikolu 46 6.
---+Artikolu 46 7.
---+Artikolu 46 8.
---+Artikolu 46 9.
---+Artikolu 46 10.
---+Artikolu 46 11.
---+Artikolu 46 12.
---+Artikolu 46 13.

Artikolu 46 Obbligi fuq l-esportaturi

1. Ħarsa ġenerali

,
Artikolu 46 1.
In-notifikatur jew il-persuna li torganizza l-vjeġġ għandhom jesportaw l-iskart mill-Unjoni biss jekk ikunu jistgħu juru li l-faċilitajiet li għandhom jirċievu l-iskart fil-pajjiż tad-destinazzjoni se jimmaniġġjawh b’mod li jħares l-ambjent kif imsemmi fl-Artikolu 59.
Artikolu 46 2.
In-notifikatur jew il-persuna li torganizza l-vjeġġ ma għandhomx jesportaw skart lejn faċilità li ma tikkonformax mal-kriterji stabbiliti fil-Parti B tal-Anness X.
Artikolu 46 3.
Sabiex jiġi ssodisfat l-obbligu msemmi fil-paragrafu 1, in-notifikatur jew il-persuna li torganizza l-vjeġġ li jkollhom il-ħsieb li jesportaw l-iskart mill-Unjoni għandhom jiżguraw li l-faċilitajiet li se jimmaniġġjaw l-iskart fil-pajjiż tad-destinazzjoni jkunu ġew soġġetti għal awditu.

Dan l-awditu għandu jsir minn parti terza li għandha tkun indipendenti min-notifikatur jew mill-persuna li torganizza l-vjeġġ kif ukoll mill-faċilità awditjata u li għandu jkollha l-kwalifiki xierqa fl-oqsma tal-awditjar u t-trattament tal-iskart.

Meta jikkummissjonaw awditu, in-notifikatur jew persuna li torganizza l-vjeġġ għandhom jivverifikaw li l-parti terza tikkonforma mar-rekwiżiti stabbiliti fil-Parti A tal-Anness X u li tkun ġiet awtorizzata jew akkreditata minn korp uffiċjali nazzjonali biex twettaq awditi kif definit f’dan l-Artikolu.
Artikolu 46 4.
L-awditu msemmi fil-paragrafu 3 għandu jinkludi kemm kontrolli fiżiċi kif ukoll kontrolli dokumentarji u għandu jivverifika l-konformità tal-faċilità kkonċernata mal-kriterji stabbiliti fil-Parti B tal-Anness X.
Artikolu 46 5.
Notifikatur jew persuna li torganizza l-vjeġġ li jkollhom il-ħsieb li jesportaw l-iskart għandhom jiżguraw, qabel ma jesportaw l-iskart, li l-faċilità li se timmaniġġja l-iskart fil-pajjiż tad-destinazzjoni tkun ġiet soġġetta għal awditu msemmi fil-paragrafu 3 imwettaq mhux aktar tard minn sentejn qabel ma jesportaw l-iskart lejn il-faċilità kkonċernata u li jkun wera l-konformità tal-faċilità mal-kriterji fil-Parti B tal-Anness X.

Bil-ħsieb li dan l-obbligu jiġi ssodisfat, in-notifikatur jew persuna li torganizza l-vjeġġ għandhom jew:

(a) 

jikkummissjonaw awditu f’konformità ma’ dan l-Artikolu;

(b) 

jakkwistaw ir-rapport ta’ awditu kkummissjonat f’konformità ma’ dan l-Artikolu minn notifikatur ieħor jew persuna oħra li torganizza l-vjeġġ, li jkun sar disponibbli f’konformità mal-paragrafu 6, wara li jkunu vverifikaw li l-awditu twettaq f’konformità mal-paragrafi 3 u 4 u wera l-konformità tal-faċilità mal-kriterji stabbiliti fil-Parti B tal-Anness X; jew

(c) 

jakkwistaw ir-rapport ta’ awditu kkummissjonat f’konformità ma’ dan l-Artikolu mill-faċilità nnifsha, li ġie nnotifikat lir-reġistru msemmi fil-paragrafu 8 f’konformità mal-paragrafu 7, it-tieni subparagrafu, wara li jkunu vverifikaw li l-awditu twettaq f’konformità mal-paragrafi 3 u 4 u wera l-konformità tal-faċilità mal-kriterji stabbiliti fil-Parti B tal-Anness X.

In-notifikatur jew il-persuna li torganizza l-vjeġġ għandhom jikkummissjonaw ukoll awditu ad hoc mingħajr dewmien f’każ li jirċievu informazzjoni affidabbli li faċilità ma għadhiex konformi mal-kriterji stabbiliti fil-Parti B tal-Anness X. Meta l-awditu ad hoc juri li faċilità ma għadhiex konformi mal-kriterji stabbiliti fil-Parti B tal-Anness X, in-notifikatur jew il-persuna li torganizza l-vjeġġ għandhom iwaqqfu minnufih l-esportazzjoni tal-iskart lejn dik il-faċilità u jinformaw lill-awtoritajiet kompetenti tad-dispaċċ ikkonċernati.
Artikolu 46 6.
Notifikatur jew persuna li torganizza l-vjeġġ li jkunu kkummissjonaw awditu għal faċilità partikolari skont il-paragrafu 3 għandhom jiżguraw li tali awditu jkun disponibbli għal notifikaturi jew persuni oħra li jorganizzaw vjeġġi li jkollhom il-ħsieb li jesportaw l-iskart lejn il-faċilità inkwistjoni, taħt kundizzjonijiet kummerċjali ġusti.
Artikolu 46 7.

Notifikatur jew persuna li torganizza l-vjeġġ għandhom jinnotifikaw lill-Kummissjoni dwar awditi li kkummissjonaw f’konformità mal-paragrafi 3 u 5, u li wrew il-konformità ta’ faċilità mal-kriterji stabbiliti fil-Parti B tal-Anness X. In-notifika għandha tinkludi l-informazzjoni li ġejja:

(a) 

l-isem u d-dettalji ta’ kuntatt tal-faċilità li kienet soġġetta għall-awditu;

(b) 

l-isem u d-dettalji ta’ kuntatt tan-notifikatur jew tal-persuna li torganizza l-vjeġġ li kkummissjonaw l-awditu;

(c) 

l-isem u d-dettalji ta’ kuntatt tal-parti terza li wettqet l-awditu;

(d) 

id-data tal-awditu;

(e) 

it-tipi ta’ skart, kif elenkati fl-Annessi III, IIIA, IIIB jew IV jew fil-lista ta’ skart imsemmija fl-Artikolu 7 tad-Direttiva 2008/98/KE;

(f) 

l-operazzjonijiet ta’ rkupru (kodiċijiet R), kif imsemmija fl-Anness II tad-Direttiva 2008/98/KE.

Notifikatur jew persuna li torganizza lvjeġġ jistgħu jinnotifikaw lill-Kummissjoni dwar awditu kkummissjonat mill-faċilità awditjata nnifsha, dment li n-notifikatur jew il-persuna li torganizza vjeġġ ikunu vverifikaw li l-awditu twettaq f’konformità mal-paragrafi 3 u 4 u wera l-konformità tal-faċilità mal-kriterji stabbiliti fil-Parti B tal-Anness X. Tali notifika għandu jkun fiha informazzjoni f’konformità mal-ewwel subparagrafu, il-punti (a) u (c) sa (f).
Artikolu 46 8.
Il-Kummissjoni għandha tistabbilixxi u żżomm aġġornat reġistru bl-informazzjoni li tirċievi f’konformità mal-paragrafu 7. Il-Kummissjoni għandha tagħmel l-informazzjoni fir-reġistru disponibbli għall-pubbliku.
Artikolu 46 9.
Fuq talba minn awtorità kompetenti jew awtorità involuta fl-ispezzjonijiet, notifikatur jew persuna li torganizza l-vjeġġ għandhom jipprovdu evidenza dokumentarja li l-awditi kif imsemmija fil-paragrafu 3 twettqu fil-faċilitajiet kollha li lejhom qed jesportaw l-iskart inkwistjoni. Tali evidenza dokumentarja għandha tiġi pprovduta b’lingwa aċċettabbli għall-awtoritajiet ikkonċernati.
Artikolu 46 10.
Notifikatur jew persuna li torganizza l-vjeġġ li jesportaw skart barra mill-Unjoni għandhom, fuq bażi annwali, jagħmlu pubblikament disponibbli b’mezzi elettroniċi l-informazzjoni dwar kif jikkonformaw mal-obbligi tagħhom skont dan l-Artikolu.
Artikolu 46 11.
Meta jkun hemm ftehim internazzjonali bejn l-Unjoni u pajjiż terz li għalih tapplika d-Deċiżjoni tal-OECD, li jirrikonoxxi li l-faċilitajiet f’dak il-pajjiż terz se jimmaniġġjaw l-iskart b’mod li jħares l-ambjent, kif imsemmi fl-Artikolu 59 u f’konformità mal-kriterji stabbiliti fil-Parti B tal-Anness X, in-notifikaturi jew il-persuni li jorganizzaw il-vjeġġi li jkollhom il-ħsieb li jesportaw l-iskart lejn dak il-pajjiż terz għandhom jiġu eżentati mill-obbligu stabbilit fil-paragrafi 3 sa 7 u 9.

Notifikatur jew persuna li torganizza l-vjeġġ li jesportaw l-iskart mill-Unjoni lejn faċilità f’pajjiż terz li l-Unjoni kkonkludiet ftehim internazzjonali miegħu għandhom iwettqu awditu ad hoc mingħajr dewmien f’każ li jirċievu informazzjoni affidabbli li faċilità ma għadhiex konformi mal-kriterji stabbiliti fil-Parti B tal-Anness X. In-notifikatur jew il-persuna li torganizza l-vjeġġ għandhom, f’tali każ, jinnotifikaw lill-awtoritajiet kompetenti tad-dispaċċ b’dik l-informazzjoni affidabbli kif ukoll bil-pjanijiet tagħhom li jwettqu awditu ad hoc.

Meta awditu ad hoc juri li faċilità ma għadhiex konformi mal-kriterji stabbiliti fil-Parti B tal-Anness X, in-notifikatur jew il-persuna li torganizza l-vjeġġ għandhom iwaqqfu minnufih l-esportazzjoni tal-iskart lejn dik il-faċilità u jinformaw lill-awtoritajiet kompetenti tad-dispaċċ ikkonċernati.
Artikolu 46 12.
Il-Kummissjoni għandha tagħmel il-ftehimiet internazzjonali rilevanti msemmija fil-paragrafu 11 disponibbli għall-pubbliku fuq is-sit web tagħha.
Artikolu 46 13.
Il-Kummissjoni tista’ tadotta linji gwida fir-rigward tal-applikazzjoni ta’ dan l-Artikolu.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 30.07.2026 00:00:00 -Doknr: CELEX:32024R1157
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.