Artikolu 84 Talbiet għal informazzjoni lill-OLAF

1.   L-OLAF għandu jwieġeb fil-ħin għal talbiet motivati għal informazzjoni minn FIU meta dik l-informazzjoni tkun meħtieġa għat-twettiq tal-funzjonijiet tal-FIU skont il-Kapitolu III tad-Direttiva (UE) 2024/1640.

2.   L-OLAF jista’ jipposponi jew jirrifjuta l-għoti ta’ l-informazzjoni msemmija fil-paragrafu 1 fejn l-għoti tagħha x’aktarx ikollu impatt negattiv fuq investigazzjoni li tkun għaddejja. L-OLAF għandu jikkomunika fil-ħin tali posponiment jew rifjut lill-FIU li għamlet it-talba, inkluż ir-raġunijiet għal dan.