Artikolu 273b Nuqqas ta' konformità mal-kundizzjonijiet għall-użu ta' metodi simplifikati għall-kalkolu tal-valur tal-iskopertura ta' derivattivi u l-approċċ simplifikat għall-kalkolu tar-rekwiżiti ta' fondi proprji għar-riskju ta' CVA

Istituzzjoni li ma tibqax tissodisfa xi waħda jew aktar mill-kondizzjonijiet stabbiliti fl-Artikolu 273a(1) jew (2) għandha tinnotifika mill-ewwel lill-awtorità kompetenti dwar dan.

►M17  L-istituzzjonijiet għandhom jieqfu jikkalkulaw il-valuri tal-iskoperturi għal pożizzjonijiet tad-derivattivi tagħhom f'konformità mat-Taqsima 4 jew 5 u jieqfu jikkalkulaw ir-rekwiżiti ta' fondi proprji għar-riskju ta' CVA f'konformità mal-Artikolu 385, kif applikabbli, fi żmien tliet xhur minn meta sseħħ sitwazzjoni minn dawn li ġejjin: ◄

L-istituzzjonijiet li jkunu waqfu jikkalkulaw il-valuri tal-iskoperturi għal pożizzjonijiet tad-derivattivi tagħhom f'konformità mat-Taqsima 4 jew 5 u waqfu jikkalkulaw ir-rekwiżiti ta' fondi proprji għar-riskju ta' CVA f'konformità mal-Artikolu 385, kif ikun applikabbli, għandhom jitħallew jerġgħu jibdew jikkalkulaw il-valur tal-iskopertura tal-pożizzjonijiet tad-derivattivi tagħhom biss kif stabbilit fit-Taqsima 4 jew 5 u r-rekwiżiti ta' fondi proprji għar-riskju ta' CVA f'konformità mal-Artikolu 385 meta juru lill-awtorità kompetenti li l-kundizzjonijiet kollha stabbiliti fl-Artikolu 273a(1) jew (2), ikunu ġew issodisfati għal perjodu mhux interrott ta' sena.